قوعام • 24 قاڭتار، 2022

پرەزيدەنتتىڭ سىنىنان كەيىن «سامۇرىق-قازىنا» باسشىسى مالىمدەمە جاسادى

1550 رەت كورسەتىلدى

«سامۇرىق-قازىنا» ۇلتتىق ءال-اۋقات قورى» اق ءوز جۇمىسىن تۇبەگەيلى وزگەرتۋدىڭ جوسپارىن ازىرلەپ جاتىر. بۇل تۋرالى قور باسشىسى الماسادام ساتقاليەۆ Facebook پاراقشاسىندا ءمالىم ەتتى، دەپ حابارلايدى Egemen.kz.

ساتقاليەۆتىڭ پايىمىنشا، «مەملەكەت باسشىلىعىنىڭ ساياسي ەرىك-جىگەرىنىڭ ارقاسىندا قور جۇمىسىن تۇبەگەيلى وزگەرتە الاتىن مۇمكىندىككە يە بولىپ وتىر».

ء«بىز كونسترۋكتيۆتى ۇسىنىس ايتا الاتىن كەز كەلگەن ادامنىڭ پىكىرىن تىڭداپ، ونى رەفورمالاۋ جونىندەگى جوبامىزعا ەنگىزۋگە دايىنبىز. جاقىن كۇندەرى جوسپارىمىزدىڭ بارلىعى اشىق دەرەككوزدەرگە جاريالانادى. سۇراقتارىڭىزدىڭ بارىنە جاۋاپ بەرۋگە دايىنبىز»، دەپ سەندىردى ساتقاليەۆ ءوز جازباسىندا.

رەفورمانىڭ نەگىزگى پرينيتسپتەرى رەتىندە ول اشىقتىق، ەسەپ بەرۋ، بيزنەستىڭ كەدەرگىلەرىن جويۋ، الەۋمەتتىك جاۋاپكەرشىلىك پەن سىبايلاس جەمقورلىقپەن كۇرەس تۋرالى ايقان.

«مەنىڭ ويىمشا، ەڭ باستى رەفورما – قازاقستان رەسپۋبليكاسىنىڭ ءاربىر ازاماتى ۇلتتىق بايلىقتى ءادىل ءبولۋدىڭ ەلەمەنتى رەتىندە قوردىڭ اكتيۆىنە يەلىك ەتۋگە تىكەلەي قاتىسۋ مۇمكىندىگى بولماق»، دەپ جازدى ساتقاليەۆ.

جالپى، قور باسشىسىنىڭ ايتۋىنشا، وسى جانە وزگە دە وزەكتى سۇراقتار 26 قاڭتار كۇنى الەۋمەتتىك جەلىدە وتەتىن تىكەلەي ەفير كەزىندە بيزنەس قاۋىمداستىقپەن تالقىلعا تۇسەدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار