قوعام • 24 قاڭتار، 2022

قازاقستاندا وندىرىستىك جاراقاتتانۋ دەڭگەيى 2،5 پايىزعا ازايعان

54 رەت كورسەتىلدى

2021 جىلدىڭ قورىتىندىسى بويىنشا وندىرىستىك جاراقاتتانۋ دەڭگەيى 2020 جىلمەن سالىستىرعاندا 2،5% - عا ازايدى، دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.

وتكەن جىلى وندىرىستەگى جازاتايىم وقيعالاردىڭ سالدارىنان 1 465 قىزمەتكەر زارداپ شەككەن، ولاردىڭ 200-ءى قازا تاپتى. وسىلايشا، 2021 جىلى جازاتايىم وقيعالاردىڭ جيىلىك كوەففيتسيەنتى 1000 ادامعا شاققاندا 0،22 (2020 جىلى – 0،23) قۇرادى.

وندىرىستىك جاراقاتتانۋدىڭ جوعارى دەڭگەيى قاراعاندى (238 ادام زارداپ شەكتى)، شىعىس قازاقستان (204 ادام)، قوستاناي (122 ادام)، پاۆلودار (114 ادام)، اقتوبە (107 ادام) وبلىستارى مەن الماتى قالاسىنداعى (107 ادام) كاسىپورىنداردا ساقتالدى.

ەكونوميكا سالالارى بويىنشا زارداپ شەككەندەردىڭ ەڭ كوپ سانى تاۋ-كەن مەتاللۋرگيا كەشەنى كاسىپورىندارىندا – 18،8% (276 ادام) جانە قۇرىلىس سالاسىندا – 11،3 % (167 ادام) بايقالادى.



 

سوڭعى جاڭالىقتار

ۇقساس جاڭالىقتار