ايماقتار • 21 قاڭتار، 2022

شىمكەنتتە 65 جاستان اسقاندارعا قالادا جۇرۋىنە شەكتەۋ قويىلدى

82 رەت كورسەتىلدى

شىمكەنت قالاسىنىڭ اۋماعىندا كوروناۆيرۋس ينفەكتسياسىنا بايلانىستى شەكتەۋ شارالارى مەن كارانتين مەرزىمىن ۇزارتۋعا قاتىستى باس سانيتاريالىق دارىگەردىڭ جاڭا قاۋلىسى شىقتى، دەپ حابارلايدى Egemen.kz.

اshyq جوباسىنا قاتىساتىن نىسانداردا (30 ادامعا دەيىنگى اس بەرۋدى قوسپاعاندا)، اشىق اۋادا، جابىق ءۇي جايلاردا، ونىڭ ىشىندە ۇيدە دە وتباسىلىق، ەسكە الۋ ءىس-شارالارىن، كوپشىلىك ءىس-شارالاردى وتكىزۋگە جانە وعان قاتىسۋعا تىيىم سالىنادى;

65 جاستان اسقان ادامداردىڭ قالادا جۇرۋىنە شەكتەۋ قويىلدى;

قوعامدىق ورىنداردا جانە قىزمەتىنە رۇقسات ەتىلگەن وبەكتىلەرگە بارعان كەزدە، سونداي-اق اشىق اۋادا ورنالاسقان قوعامدىق ورىنداردا بولعاندا بەتپەردە كيۋ، الەۋمەتتىك قاشىقتىقتى ساقتاۋ جانە انتيسەپتيكتەردى پايدالانۋ جونىندەگى تالاپتار قاتاڭ ساقتالۋى قاجەت;

ايالدامالداردا جانە قوعامدىق كولىكتەردە ادامداردىڭ شوعىرلانۋىن بولدىرماۋ ماقساتىندا قاربالاس ساتتە اۆتوبۋستاردىڭ سانى كوبەيتىلىپ، قالعان ۋاقىتتا قوزعالىستىڭ بىركەلكى كەستەسى ۇيىمتاستىرىلادى;

ادامدار كوپ جينالاتىن جەرلەردى، سونىڭ ىشىندە قوعامدىق كولىكتى، اۆتوبۋس ايالدامالارىن، اۋلالارداعى بالالار الاڭدارىن، باسقا قوعامدىق ورىنداردى، قالا اۋماعىن دەزينفەكتسيالاۋ قۇرالدارىن قولدانا وتىرىپ، كارانتين اياقتالعانعا دەيىن زالالسىزداندىرۋ كۇن سايىن جۇرگىزىلەدى.

ءبىلىم بەرۋ مەكەمەلەرىنە قاتىستى:

جالپى ءبىلىم بەرۋ مەكتەپتەرىندە 1-4 باستاۋىش سىنىپتار، حالىقارالىق مەكتەپتەردەگى 1-6 سىنىپتار شتاتتىق فورماتتا وقىتىلادى;

وقۋشىلار سانى 600-گە دەيىنگى مەكتەپتەر شتاتتىق فورماتتا وقيدى;

وقۋشىلار سانى 600-دەن جوعارى مەكتەپتەر جوبالىق قۋاتىنىڭ 50 پايىزىنان اسپايتىن جۇكتەمەمەن شتاتتىق فورماتتا وقيدى;

جوو مەن كوللەدجدەر – ارالاس فورماتتا جۇمىس ىستەيدى;

مەكتەپتەن تىس ۇيىمدار شتاتتىق فورماتتا ىستەيدى. ءبىلىم بەرۋ ۇيىمدارىنىڭ اكىمشىسىنىڭ قالاۋى بويىنشا ۆاكتسيناتسيانىڭ تولىق كۋرسىن العان مەكتەپ وقۋشىلارىن شتاتتىق فورماتتا وقىتۋعا جول بەرىلەدى.

بۇدان بولەك، سالتاناتتى اس بەرۋ، وتباسىلىق ءىس-شارالاردى وتكىزۋ، كونفەرەنتسيالار، فورۋمدار، ادامدار كوپ جينالاتىن ويىن ساۋىق جانە وزگە دە ءىس-شارالار، كورمەلەر مەن مارافوندار، كورەرمەندەر قاتىساتىن سپورتتىق ءىس-شارالار وتكىزۋگە بولمايدى. تەاتر مەن كونتسەرت زالى، فيلارمونيا مەن تۇنگى كلۋبتاردىڭ جۇمىس ىستەۋىنە رۇقسات جوق.

قاۋلى قول قويىلعان كۇننەن باستاپ كۇشىنە ەنەدى.

سوڭعى جاڭالىقتار

ۇقساس جاڭالىقتار