ەكونوميكا • 21 قاڭتار، 2022

ۇلتتىق بانك ۆاليۋتا نارىعىنداعى تۇراقتىلىقتى قامتاماسىز ەتەدى

61 رەت كورسەتىلدى

قر ۇلتتىق بانك توراعاسى ەربولات دوساەۆ مەملەكەت باسشىسىنا ەلدەگى توتەنشە جاعداي كەزىندە اتقارىلعان شارالاردى مالىمدەدى، دەپ جازادى Egemen.kz.

«توتەنشە جاعداي رەجيمى كەزىندە ساۋدا-ساتتىقتىڭ بولماۋىنا جانە شەتەل ۆاليۋتاسىنا ۇسىنىستىڭ شەكتەۋلى بولۋىنا بايلانىستى قالىپتاسىپ جيناقتالعان سۇرانىستى ەسكەرە وتىرىپ، ۇلتتىق بانك ۆاليۋتالىق ساۋدا-ساتتىقتى قايتا باستاۋدىڭ العاشقى 2 كۇنىندە كولەمى 240 ملن. اقش دوللارىنا ۆاليۋتالىق ينتەرۆەنتسيا جۇرگىزدى. بۇل قارجىلىق تۇراقتىلىق تاۋەكەلدەرىنە جانە تەڭگەگە الىپساتارلىق قىسىم كورسەتۋگە جول بەرمەۋدى قامتاماسىز ەتتى.

قازاقستان ۇلتتىق بانكى نارىقتىڭ ىشكى جانە سىرتقى قاتىسۋشىلارى تاراپىنان تەڭگەگە دەگەن سەنىم تولىعىمەن قالپىنا كەلگەنگە دەيىن ۆاليۋتا نارىعىنىڭ تەڭگەرىمدىلىگىن قامتاماسىز ەتەدى. بۇل رەتتە ۇلتتىق بانك اقشا-كرەديت ساياساتىنىڭ 2030 جىلعا دەيىنگى ستراتەگياسىنا سايكەس نارىقتىق سۇرانىس پەن ۇسىنىس نەگىزىندە ايقىندالاتىن ەركىن باعام قالىپتاستىرۋ ساياساتىن ۇستانۋدى ساقتايدى»، دەدى ول.

ۇلتتىق بانك توراعاسى مەملەكەت قولدانىستاعى زاڭناماعا سايكەس حالىق سالىمدارىنىڭ ساقتالۋىن قامتاماسىز ەتەتىنىن راستادى. سالىمشىلاردىڭ سەنىمىن ارتتىرۋ ءۇشىن ولاردىڭ سالىمدارىنىڭ ساقتالۋىن قامتاماسىز ەتۋ بويىنشا قوسىمشا شارا رەتىندە جيناق دەپوزيتتەرى بويىنشا كەپىلدىك بەرۋ سوماسى 15 ملن. تەڭگەدەن 20 ملن تەڭگەگە دەيىن وسىرىلگەنىن اتاپ ءوتتى.

«قازاقستاننىڭ دەپوزيتتەرگە كەپىلدىك بەرۋ قورى بارلىق قابىلدانعان مىندەتتەمەلەرىن ورىنداۋعا دايىن. وسى ماقساتتار ءۇشىن ارنايى رەزەرۆ قۇرىلدى، ول بۇگىنگى كۇنى شامامەن 850 ملرد تەڭگە بولدى»، دەدى ول پرەزيدەنتتىڭ بيزنەس وكىلدەرمەن كەزدەسۋى بارىسىندا.

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار