پرەزيدەنت • 21 قاڭتار، 2022

جاستاردى تەحنيكالىق سالالارعا قاراي باعىتتاۋىمىز كەرەك – پرەزيدەنت

1099 رەت كورسەتىلدى

بۇل تۋرالى پرەزيدەنت قاسىم-جومارت توقاەۆ قازاقستاندىق بيزنەسمەندەرمەن كەزدەسۋدە ايتتى، دەپ حابارلايدى Egemen.kz

«مامانداردىڭ بارلىعى نارىقپەن قالىپتاسادى. ءىرى كاسىپورىندار جايلى تاعى ايتىپ وتكىم كەلەدى. ەل دامۋىنداعى وڭ وزگەرىستەر كوپ جاعدايدا بيزنەستىڭ وركەندەۋىنە بايلانىستى. وندىرىسپەن شۇعىلدانۋ، ساپالى جۇمىس ورىندارىن اشۋ، عىلىم مەن ءبىلىم مىندەتتى تۇردە ءوزىن-ءوزى اقتايدى. سوندىقتان بيزنەسمەندەر وسى باعىتتا جۇمىس اتقارعانى ءجون. قازىرگى ۋاقىتتا بىلىكتى كادرلار تاپشى، تەحنيكالىق ماماندىق يەلەرى جوق دەپ شاعىمدانا بەرۋدىڭ ورنىنا كوللەدج سەكىلدى وقۋ ورىندارىندا ءبىلىم الىپ جۇرگەن جاس مامانداردى ءىرى كاسىپورىندار تاجىريبەدەن وتۋگە شاقىرىپ، شەبەرحانالاردا جۇمىس ىستەۋگە مۇمكىندىك بەرۋگە ءتيىس. بەلگىلى كورپوراتسيالار وسىنداي باعىتتا جۇمىس ىستەيتىنىن بىلەمىن. بىراق ءبىز زاڭگەر، ەكونوميس پەن مەنەدجەر سەكىلدى مامانداردى تىم كوبەيتىپ الدىق. سوندىقتان ءبىز قازىر ءبىلىم الۋشىلاردى تەحنيكالىق سالالارعا قاراي باعىتتاۋىمىز كەرەك. وسى رەتتە «بولاشاق» باعدارلاماسىن قايتا قاراپ، قايتا باعدارلاپ، ۇمىتكەرلەردى رەسەي سەكىلدى ەلدەردىڭ تەحنيكالىق جوعارى وقۋ ورىندارىنا جىبەرەتىن بولامىز. ونداي وقۋ ورىنداردىڭ فيليالدارى ەلىمىزدە دە اشىلادى. جاس قازاقتار تەحنيكا ماماندارى بولۋى كەرەك. بۇل رەتتە كاسىپورىندار اۋىل-ايماقتاعى ىنتالى جاستاردىڭ تەحنيكالىق باعىتتا ءبىلىم الۋىنا ىقپال ەتىپ، ۇيرەتسە ەل ەكونوميكاسى دا وركەندەي بەرەدى»، دەدى مەملەكەت باسشىسى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار