ايماقتار • 20 قاڭتار، 2022

الماتىدا اباي داڭعىلىنان جوعارى سالىناتىن عيماراتتاردىڭ قابات سانى شەكتەلەدى

431 رەت كورسەتىلدى

الماتىدا اباي داڭعىلىنان جوعارى سالىناتىن جاڭا عيماراتتاردىڭ قابات سانى شەكتەلەدى. قالا اكىمى باقىتجان ساعىنتاەۆ وسىنداي تاپسىرما بەردى، دەپ حابارلايدى Egemen.kz.

الماتى اكىمىنىڭ ايتۋىنشا، بىلتىر قۇرىلىس ەرەجەلەرى قابىلدانىپ، تاريحي ورتالىقتى ساقتاۋ ماسەلەسى تالقىلانعان.

سونداي-اق، شەنەۋنىكتەر وسى اۋماقتا سالىنۋى مۇمكىن قۇرىلىستىڭ تىعىزدىعى مەن قابات سانىن بەلگىلەگەن بولاتىن.

«قۇرىلىس جۇرگىزەتىن مەردىگەر كومپانيالارعا مەكتەپ، بالاباقشا، باسقا دا ينفراقۇرىلىمدى قامتاماسىز ەتۋ جونىندەگى مىندەتتەمەلەرىن دايىندادىق. دەگەنمەن قوعامدا جاڭا جانە ەسكى تۇرعىن ءۇي كەشەندەرىنىڭ قۇرىلىسىنا قاتىستى ءالى دە تالقىلاناتىن ماسەلەلەر بار»، دەيدى الماتى اكىمى.

وسىعان بايلانىستى باقىتجان ساعىنتاەۆ قاۋلى شىعاردى:

- مەنشىك يەلەرى 100 پايىز (جەكە ينۆەستور تارتۋ قاجەت ۇيلەردى قوسپاعاندا) ەسكى تۇرعىن ۇيلەردى قايتا جاڭعىرتۋ باعدارلاماسىن ودان ءارى ىسكە اسىرۋ تەك بيۋدجەت قاراجاتى ەسەبىنەن جۇزەگە اسىرىلادى;

- ابايدان جوعارى ءال-فارابي داڭعىلى مەن جاندوسوۆ كوشەسىنە دەيىنگى، شىعىس اينالما جولىنان ساين كوشەسىنە دەيىنگى اۋماقتا تۇرعىن ءۇي عيماراتتارىنىڭ بيىكتىگى شەكتەلسىن;

- تابيعي بەتكەيلەرىنە زيان كەلتىرەتىن تك سالۋعا تىيىم سالۋ. سونىمەن قاتار، قالالىق جوسپارلاۋ جانە ۋربانيستيكا باسقارماسى قازىر اباي داڭعىلىنان جوعارى سالىناتىن عيماراتتاردىڭ بيىكتىگىن شەكتەۋ جوباسى ازىرلەنىپ جاتقانىن ءمالىم ەتتى.

«شىعىس اينالما اۆتوموبيل جولىنىڭ وڭتۇستىگى، ءال-فارابي داڭعىلى، ساين داڭعىلى، جاندوسوۆ كوشەسى (ساين داڭعىلىنان قالا شەكاراسىنا دەيىن). اتالعان اۋدانداعى عيماراتتاردىڭ بيىكتىگى ءۇش قاباتتان اسپاۋى كەرەك جانە دەنساۋلىق ساقتاۋ، ءبىلىم، تۋريزم جانە مادەنيەت سالاسىنداعى حالىقارالىق دەڭگەيدەگى الەۋمەتتىك ماڭىزى بار نىسانداردىڭ قۇرىلىسىن قوسپاعاندا بارلىق تيپتەگى عيماراتتاردىڭ بيىكتىگى جەردەن شاتىردىڭ ۇشار باسىن قوسا ەسەپتەگەندە ماكسيمالدى بيىكتىگى 12 مەتردەن اسپاۋى ءتيىس»، دەدى ۆەدومستۆو وكىلى.



 

سوڭعى جاڭالىقتار

ۇقساس جاڭالىقتار