كوروناۆيرۋس • 19 قاڭتار، 2022

كوۆيدتىڭ جاۋى – كارانتين

38 رەت كورسەتىلدى

وسى اپتانىڭ باسىنان قاراعاندى وبلىسىندا كوروناۆيرۋس ينفەكتسياسىمەن سىرقاتتانۋشىلىقتىڭ وسۋىنە جانە ءوڭىردىڭ «قىزىل ايماققا» ەنۋىنە بايلانىستى سانيتارلىق-كارانتيندىك رەجىم كۇشەيتىلدى. بۇل تۋراسىندا وڭىرلىك كوممۋنيكاتسيالار قىزمەتى الاڭىندا وتكەن بريفينگتە وبلىستىڭ باس مەملەكەتتىك سانيتارلىق دارىگەرى يۋري زالىگين مالىمدەدى.

قاۋلىدا قاراستىرىلعان جاڭا شەكتەۋلەرگە ساي، وبلىس­ت­ا اشىق اۋادا دا، ءۇي ىشىندە دە جاپپاي ءىس-شارالار وتكىزۋگە تىيىم سالىندى. وتباسىلىق جانە باسقا دا شارالاردى ۇيدە دە ۇيىمداستىرۋعا بولمايدى. تەك ەسكە الۋ راسىمدەرىنە رۇقسات بەرىلەدى. ولاردى Ashyq جوباسىنا قاتىساتىن نىسانداردا شاقىرىلعانداردىڭ سانى 30 ادامنان اسپاعان جاعدايدا عانا وتكىزۋگە بولادى.

كاراوكە-بارلاردا اندەر مەن بيلەرگە تىيىم سالىندى. مەكەمەلەر تەك قوعامدىق تاماق­تانۋ قىزمەتتەرىن عانا ۇسىنا الادى. قوعامدىق تاماق­تانۋ ورىندارىندا ءبىر ۇستەل باسىندا ءتورت ادامنان ارتىق وتىرماۋى ءتيىس. جانە ولاردىڭ اراسىندا كەمىندە ءبىر جارىم مەتر قاشىقتىق بولۋى كەرەك.

كينوتەاترلارعا زال ءىشى 30%-دان ارتىق تولتىرىلماعان جاع­دايدا Ashyq قوسىمشاسىمەن جۇمىس ىستەۋگە رۇقسات ەتىلەدى. ونىڭ وزىندە «جاسىل» مارتەبەسى بارلار عانا كينو كورە الادى.

يۋ.زالىگين بارلىق اۋىلدىق مەكتەپتەر مەن قالالار جانە اۋدان ورتالىقتارىنداعى وقۋشى­لار سانى 600-گە دەيىن بولاتىن مەكتەپتەردە وقىتۋ شتاتتىق پىشىمدە جۇرگىزىلەتىنىن ايتتى. وقۋشىلار سانى 600 جانە ودان كوپ بولسا، قالا مەكتەپتەرى مەن اۋدان ورتالىقتارىنىڭ مەكتەپتەرى قاشىقتان وقىتۋ نىسانىنا كوشەدى. ەسكەرتە كەتەتىن ءبىر جايت، بۇل جاعدايدا 1-2-سىنىپتار وفلاين رەجى­مىندە وقۋدى جالعاستىرا بەرە­دى. ال كەزەكشى سىنىپتار 3-5-سى­نىپ وقۋشىلارى ءۇشىن ۇيىم­داستىرىلادى.

ەسكەرتە كەتەتىن ءبىر جايت، اۋماعى 100 شارشى مەتردەن اس­تام ساۋدا-ويىن-ساۋىق ورتا­لىق­تارى مەن ازىق-ت ۇلىك ەمەس ساۋدا ۇيلەرىنە، سونداي-اق اۋدا­­­نى 6 مىڭ شارشى مەتردەن اساتىن ازىق-ت ۇلىك جەلى­لەرىنە كى­رۋگە تەك «جاسىل» مار­تەبەسى بار ادامدارعا عانا رۇق­سات ەتى­لە­دى. بۇل سپورتتىق-ساۋىق­تى­رۋ ور­­تا­­لىقتارىنا، فيتنەس-ور­تا­لىق­تارعا، مون­شالارعا، ساۋنا­لارعا، باسسەيندەرگە دە قاتىستى.

 

قاراعاندى وبلىسى

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار