– كوروناۆيرۋس ينفەكتسياسىن جۇقتىرۋدىڭ نەگىزگى وشاعى رەتىندە قوعامدىق ورىندار انىقتالىپ وتىر. سوڭعى اپتاداعى تالداۋ كورسەتكەندەي, ناۋقاستاردىڭ 64,4 پايىزى ىندەتكە ادامدار كوپ جينالاتىن ورىنداردا شالدىققان. ال 2,5 پايىزى قوعامدىق كولىكتە, قالعانى ناۋقاستارمەن جاقىن قارىم-قاتىناس جاساۋ ارقىلى جۇقتىردى, – دەيدى گۇلدانا بيسەمباي.
قاۋىپتى ۆيرۋس اسىرەسە, اتىراۋ قالاسى مەن جىلىوي اۋدانىندا ورنالاسقان «تەڭىز» كەن ورنىندا ۋشىعىپ تۇر. اتى جامان ىندەتتىڭ «قاقپانىنا» ىلىنگەن ناۋقاستار لەگى جەتى اۋداندا دا بايقالىپ وتىر. ءتىپتى كوروناۆيرۋس ينفەكتسياسىن وبلىس اكىمى ماحامبەت دوسمۇحامبەتوۆ پەن ونىڭ ءبىرىنشى ورىنباسارى سەرىك ايداربەكوۆ جۇقتىرىپ الدى. وبلىس اكىمىنىڭ ءباسپاسوز قىزمەتى تاراتقان اقپاراتقا سۇيەنسەك, ولاردىڭ Covid-19 ينفەكتسياسىن انىقتاۋعا تاپسىرعان پتر سىناماسى وڭ ناتيجە كورسەتىپتى. سول سەبەپتەن, اكىم مەن ءبىرىنشى ورىنباسارى 12 قاڭتاردا قاشىقتان جۇمىس ىستەۋگە كوشكەن.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قايسار ابداليەۆتىڭ ايتۋىنا قاراعاندا, ەپيدەميالىق احۋال كۇردەلەنىپ وتىر. وسىعان بايلانىستى وڭىردە قوسىمشا ينفەكتسيالىق 1 760 توسەكتىك ورىن اشۋعا تۋرا كەلگەن.
– ينفەكتسيالىق ستاتسيونارلارداعى قوسىمشا توسەكتىك ورىن تەك اتىراۋ قالاسىندا ەمەس, «تەڭىز» كەن ورنى مەن جەتى اۋداندا دا كوبەيتىلدى. قازىر 29 ءموبيلدى بريگادا جۇمىس ىستەيدى. ءدارى-دارمەك قورى جەتكىلىكتى, – دەپ ءمالىم ەتتى قايسار ابداليەۆ.
وڭىردە جىل باسىنان Pfizer ۆاكتسيناسىنىڭ ەكى كومپونەنتىنە ارنالعان 126 مىڭ 520 دوزاسى جەتكىزىلگەن. وسى كەزگە دەيىن بۇل ۆاكتسينانى 3 626 ادام سالدىرعان. ونىڭ ىشىندە بالا ەمىزىپ وتىرعان 1 789 انا مەن 191 جۇكتى ايەل بار. سونداي-اق 12-18 جاس ارالىعىنداعى 1 646 ءجاسوسپىرىم اتالعان ۆاكتسينانى ەكتىرگەن.
مۇنايلى وڭىردەگى ەپيدەميالىق احۋالدىڭ ناشارلاعانى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ ماماندارىن الاڭداتىپ وتىر. سول سەبەپتەن, باس سانيتار دارىگەردىڭ مىندەتىن اتقارۋشى ا.بەكەشەۆانىڭ قاۋلىسىمەن كارانتيندىك شەكتەۋ شارالارى كۇشەيتىلدى. Ashyq جوباسىنا قاتىساتىنىنا قاراماستان كونتسەرت زالدارى مەن فيلارمونيالاردىڭ, تەاترلار مەن تسيركتەردىڭ قىزمەتىنە, ءدىني بىرلەستىكتەر نىساندارىندا جۇما نامازى مەن وزگە دە ءدىني ءىس-شارانى وتكىزۋگە تىيىم سالىندى. مۇنداي تىيىم تۇنگى كلۋبتار مەن قوعامدىق تاماقتانۋ نىساندارىنداعى ءان ايتۋ جانە بيگە, كاراوكە قىزمەتىنە دە قولدانىلادى. سونداي-اق وتباسىلىق بانكەتتەر, ۇيلەنۋ تويلارى, مەرەيتويلار, ۇيدە وتكىزىلەتىن ەسكە الۋ تۇرعىسىنداعى باسقوسۋلاردى, اشىق اۋادا, ءۇي-جايلاردىڭ ىشىندە بۇقارالىق ءىس-شارالاردى وتكىزۋگە شەكتەۋ قويىلدى.
اتىراۋ وبلىسى
