ەكونوميكا • 18 قاڭتار، 2022

بانكتەر حالىققا كومەكتەسىپ جاتىر

67 رەت كورسەتىلدى

قازاقستاندىق ەكىنشى دەڭگەيلى بانكتەر ەلدەگى جاپپاي تارتىپسىزدىكتەن كەلگەن شىعىندى وتەۋگە ءوز تاراپتارىنان كومەك قولىن سوزىپ جاتىر. قازاقستان قارجىگەرلەر قاۋىمداستىعى وسىنداي اقپارات تاراتتى. توتەنشە جاعداي مەرزىمى كەزىندە ايىپپۇل مەن ءوسىمپۇل ەسەپتەمەۋدەن بولەك، قارجى ينستيتۋتتارى زارداپ شەككەن كاسىپكەرلەر مەن قاراپايىم حالىققا ماتەريالدىق كومەك بەرۋدى دە ءجون دەپ تاپقان.

كوللاجدى جاساعان زاۋرەش سماعۇل، «EQ»

Kaspi.kz جانە كومپانيانىڭ نەگىزىن سالۋشىلار پرەزيدەنت تاپسىرماسىمەن قۇرىلعان «قا­زاقستان حالقىنا» قوعامدىق قورىنا 10 ملرد تەڭگە اۋداردى. بۇعان دەيىن بانك بىرنەشە قالاداعى قۇقىق قورعاۋ ورگاندارىنا كوشەلەردى پاترۋلدەۋ ءۇشىن 9 بروندالعان ينكاسساتورلىق كولىك سىيلاعان ەدى.

ءوز كەزەگىندە Halyk Bank قيراعان نىساندار مەن عي­ما­راتتاردى قالپىنا كەلتىرۋگە جانە زارداپ شەككەن شاعىن جانە كىشى كاسىپكەرلىك وكىلدەرىنە 3 ملرد تەڭگە بەردى. بۇعان قو­سىمشا، ارنايى قىزمەت پەن قۇقىق قورعاۋ ورگاندارىنىڭ قازا تاپقان قىزمەتكەرلەرىنىڭ وتباسىنا 5 ملن تەڭگەدەن ءبولدى. قازاقستاندىق «سبەربانك» ال­ماتىعا كومەك رەتىندە 550 ملن تەڭگە بولگەن. سونىمەن قاتار مەديتسينالىق مەكەمەلەرگە 10 جاڭا رەانو­موبيل كولىكتەرى سىيعا تارتىلدى. سون­­داي-اق قالا قاجەتتىلىگى ءۇشىن تاعى 10 جەڭىل اۆتوكولىك تە ۇسىنىلدى. بۇدان بولەك، قار­ج­ى ۇيىمى ۇلتتىق كىتاپ­حا­نا جانە ورتالىق مەملەكەتتىك مۋزەي عيماراتتارىن جوندەۋدەن وتكىزىپ، قاي­تا­دان باياعى قالپىنا كەلتىرۋگە دە كومەكتەسپەك.

«وزدەرىنىڭ قىزمەتىنە كەلگەن قيىن­دىققا قاراماستان قازاقستاندىق بانك­تەر كۇردەلى جاعدايدا جۇمىس كەستەسىن جەدەل قالىپقا كەلتىرىپ، كليەنتتەرگە قىزمەت كورسەتە باستادى. ولاردىڭ قالا ينفراقۇرىلىمىن قالپىنا كەلتىرۋ، زارداپ شەككەن كاسىپورىندارعا، قۇقىق قورعاۋ ورگاندارىنا، اسكەري قىزمەتكەرلەرگە، دارىگەرلەرگە جانە ازاماتتارعا كومەك كورسە­­­تۋدەگى كۇش-جىگەرى ەرەكشە قۇرمەتكە لايىق» دەيدى قاۋىمداستىق توراعاسى ەلەنا باحمۋتوۆا.

بۇعان دەيىن بىرقاتار كوم­مەرتسيالىق بانك تج كەزىندە ازاماتتار ءۇشىن ايىپپۇل مەن ءوسىمپۇل ەسەپتەمەيتىنىن حابارلادى. مۇنداي مالىمدەمەلەر Halyk Bank، «سبەربانك»، Kaspi، Jusan Bank، «نۇربانك»، ForteBank، Bank RBK، «بانك حوۋم كرە­ديت»، Altyn Bank، «الفا-بانك كازاحستان»، بانك ۆتب (قازاقستان) جانە «ەۋرازيالىق بانك» قارجى ينستيتۋتتارىنىڭ رەسمي سايتىن­دا جاريالاندى. سونداي-اق Kaspi kz، «الفا-بانك كازاحستان»، Altyn Bank، بانك ۆتب (قازاقستان) قىزمەتتىك مىندەتتەرىن ورىنداۋ كەزىندە قازا تاپقان ازاماتتاردىڭ نە­سيەسىن كەشىرەتىنىن ايتقان ەدى.

قارجى نارىعىن رەتتەۋ جانە دامىتۋ اگەنتتىگىنىڭ 10 قاڭتارداعى №8 بۇيرىعىنا سايكەس بانكتەر 5 قاڭتاردان 31 قاڭتارعا دەيىن جۇگىنگەن كليەنتتەردىڭ – جەكە، زاڭدى تۇلعالاردىڭ جانە جەكە كاسىپكەرلەردىڭ نەسيەنى وتەۋدى كەيىنگە قالدىرۋدى قامتاماسىز ەتۋ تۋرالى وتىنىشتەرىن جەكە تارتىپتە قاراستىرادى. توتەنشە جاعداي ەنگىزىلگەن كەزدە قارجىلىق جاعدايدىڭ ناشارلاۋىنا نەمەسە كەلتىرىلگەن زالالعا وبەكتيۆتى سەبەپتەر بولعان جاعدايدا نەسيە تولەمىن كەيىنگە قالدىرۋ مۇمكىندىگى بەرىلەدى. قوسىمشا اقپارات الۋ ءۇشىن بانككە ونىڭ ۆەب-سايتىندا نەمەسە ءموبيلدى قوسىمشادا كورسەتىلگەن كونتاكتىلەر ارقىلى حابارلاسۋعا بولادى.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

جەزقازعاندىقتارمەن جۇزدەستى

رەفەرەندۋم-2022 • بۇگىن، 08:28

حالىق تىلەگىنەن تۋعان باستاما

رەفەرەندۋم-2022 • بۇگىن، 08:26

جۇمىلعان جۇدىرىقتاي قاتىسۋىمىز كەرەك

رەفەرەندۋم-2022 • بۇگىن، 08:24

جاڭارۋ جولىنداعى قۇلشىنىس

رەفەرەندۋم-2022 • بۇگىن، 08:20

سەمەيگە سەرپىلىس بەرەتىن باستاما

رەفەرەندۋم-2022 • بۇگىن، 08:17

ۇقساس جاڭالىقتار