«ۆاكتسينالاۋ ءۇشىن ەلىمىزدە بارلىق قاجەتتى جاعدايلار جاسالعان. ۆاكتسينالاردىڭ شامامەن 5 ملن دوزا قورى بار, ونىڭ ىشىندە 2,8 ملن دوزا ۆاكتسينالاۋعا جانە 2,2 ملن دوزا رەۆاكتسينالاۋعا ارنالعان. سونىمەن قاتار, حالىقتىڭ نەعۇرلىم وسال توبىن قورعاۋ ءۇشىن رەۆاكتسينالاۋعا ارنالعان ۆاكتسينالاردى تاڭداۋ اياسى كەڭەيتىلدى. 60 جاستان اسقان ادامدارعا قوسىمشا كوميرناتي (Phizer) ۆاكتسيناسى ۇسىنىلادى», دەدى ە.توعجانوۆ ورتالىق كوممۋنيكاتسيالار قىزمەتىندە.
سونىمەن بىرگە, ەل وڭىرلەرى دە 23,8 ملن استام ۆاكتسينا دوزاسىمەن قامتاماسىز ەتىلگەن.
«بۇگىن ۆاكتسينالاۋدان وتسەڭىز – كەلەشەكتە جۇققان اۋرۋدىڭ جەڭىل ءوتۋىن قامتاماسىز ەتەسىز. رەۆاكتسينالاۋدىڭ تيىمدىلىگى ۆاكتسينالاۋ اسەرىنەن دە اسىپ تۇسەتىنى بۇرىننان دالەلدەنگەن.
سونىمەن قاتار, رەۆاكتسينالاۋ اۋرۋدىڭ اۋىر تۇرلەرىنەن, اۋرۋحاناعا جاتقىزۋدان جانە ولىمنەن 70%-عا دەيىن قورعايدى. كەشەندى ۆاكتسينالاۋدان وتكەن سوڭ عانا ءبىز ءولىم جاعدايلارىنىڭ سانىن توقتاتىپ, الدىن الامىز», دەپ ءتۇسىندىردى ە.توعجانوۆ.
