«باسەكەلەستىكتى قورعاۋ جانە دامىتۋ اگەنتتىگى مونوپولياعا قارسى دەن قويۋ جانە دەلدالدىق سحەمالاردى تەرگەۋ شارالارى بويىنشا جۇمىستى كۇشەيتۋى قاجەت. ءبىز جوسىقسىز ساتۋشىلار مەن دەلدالدارعا اقتالماعان جانە جوعارى ۇستەمە باعانىڭ ەسەبىنەن پايدا تابۋعا جول بەرمەۋىمىز كەرەك», دەدى ءاليحان سمايىلوۆ.
مينيسترلەر كابينەتىنىڭ باسشىسى وڭىرلەر اكىمدىكتەرىنە ساۋدا ۇستەمەلەرى مەن شەكتى باعالاردى باقىلاۋ بويىنشا جۇمىستى جانداندىرۋدى تاپسىردى.
«قارجى مينيسترلىگى ساۋدا جانە ينتەگراتسيا مينيسترلىگىمەن بىرلەسىپ, يمپورت نەمەسە ءوندىرىس ساتىسىنان ناقتى تاۋارلاردى بولشەك ساۋدادا وتكىزۋگە دەيىن ەلەكتروندىق شوت-فاكتۋرالاردى مىندەتتى تۇردە جازىپ بەرۋ جونىندەگى پيلوتتىق جوبانى جۇرگىزۋ ماسەلەلەرىن پىسىقتاسىن. بۇل قايتا ساتۋدىڭ ءاربىر دەڭگەيىندە ۇستەمە باعا مونيتورينگىن جۇرگىزۋگە مۇمكىندىك بەرەدى. مالىمەتتەردى بەرۋ ءۇشىن ساۋدا مينيسترلىگى مەن قارجى مينيسترلىگىنىڭ مەملەكەتتىك كىرىستەر كوميتەتىنىڭ اقپاراتتىق جۇيەلەرىن ينتەگراتسيالاۋ ماسەلەلەرىن شەشۋ قاجەت», دەپ تولىقتىردى ءاليحان سمايىلوۆ.
ول اۋىل شارۋاشىلىعى مينيسترلىگىنە اۋىل شارۋاشىلىعى ونىمدەرىن ءوندىرۋ مەن تۇتىنۋ كولەمىن ەسەپتەپ, قاجەت بولعان جاعدايدا ەكسپورتتىق شەكتەۋلەر ەنگىزۋدى تاپسىردى.
ء«بىرىنشى كەزەكتە ءبىز ىشكى نارىقتى مولايتۋدى قامتاماسىز ەتۋىمىز كەرەك», دەپ تۇيىندەدى ءاليحان سمايىلوۆ.
