قوعام • 18 قاڭتار، 2022

بيىل اۋىل شارۋاشىلىعى داقىلدارى 13،5 مىڭ گەكتارعا ارتىق ەگىلەدى

61 رەت كورسەتىلدى

بيىل اۋىل شارۋاشىلىعى داقىلدارى 13،5 مىڭ گەكتارعا ارتىق ەگىلەدى. بۇل تۋرالى بۇگىن ۇكىمەت وتىرىسىندا قر اۋىل شارۋاشىلىعى ءمينيسترى ەربول قاراشوكەەۆ ايتتى، دەپ حابارلايدى Egemen.kz.

«ىشكى نارىقتا ازىق-ت ۇلىك تاۋارلارىنىڭ ناقتى قولجەتىمدىلىگىن قامتاماسىز ەتۋ ماقساتىندا، ءبىرىنشى كەزەكتە، كوكتەمگى ەگىس جۇمىستارىن ۋاقتىلى جانە ساپالى جۇرگىزۋ قاجەت. وبلىستاردىڭ دەرەكتەرى بويىنشا 2022 جىلى اۋىل شارۋاشىلىعى داقىلدارىن 22،9 ملن گەكتار الاڭعا ەگۋ جوسپارلانىپ وتىر. بۇل 2021 جىلعى دەڭگەيدەن 13،5 مىڭ گەكتارعا ارتىق»، دەدى مينيستر.

ونىڭ اتاپ وتۋىنشە، وتكەن جىلعى قۇرعاقشىلىق، سونداي-اق قوسالقى بولشەكتەر، جانار-جاعارماي، مينەرالدى تىڭايتقىشتار مەن پەستيتسيدتەر باعاسىنىڭ كۇرت ءوسۋى الداعى كوكتەمگى ەگىس جۇمىستارىن ۋاقتىلى دايىنداۋ جانە ساپالى جۇرگىزۋ ءۇشىن ەلەۋلى قيىندىقتار تۋعىزۋى مۇمكىن.

«اگروونەركاسىپتىك كەشەن سۋبەكتىلەرىن قولداۋ جونىندەگى ءىس-شارالاردى جۇرگىزۋ ءۇشىن اۋىل شارۋاشىلىعى داقىلدارىن ءوسىرۋ، ونىڭ ىشىندە ەرتە پىسەتىن كوكونىستەر مەن الەۋمەتتىك ماڭىزى بار ازىق-ت ۇلىك تاۋارلارىن ءوندىرۋ ءۇشىن «كەڭ دالا» باعدارلاماسى ارقىلى رەسپۋبليكالىق بيۋدجەتتەن فەرمەرلەرگە جەڭىلدىكتى كرەديت بەرۋدى 140 ملرد تەڭگەگە دەيىن ۇلعايتۋ پىسىقتالۋدا. اۋىل شارۋاشىلىعى تاۋار وندىرۋشىلەرىن كوكتەمگى ەگىس جۇمىستارىن جۇرگىزۋگە ارزانداتىلعان ديزەل وتىنىمەن قامتاماسىز ەتۋ ماسەلەلەرى شەشىلۋدە»، دەدى ەربول قاراشوكەەۆ.

 

سوڭعى جاڭالىقتار

ۇقساس جاڭالىقتار