«امبۋلاتوريالىق ناۋقاستار سانىنىڭ وسكەنىن ەسكەرە وتىرىپ, دەنساۋلىق ساقتاۋ مينيسترلىگى وڭىرلەردىڭ جەرگىلىكتى اتقارۋشى ورگاندارىمەن بىرلەسىپ, مەديتسينالىق-سانيتاريالىق العاشقى كومەك دەڭگەيىندە ۋاقتىلى مەديتسينالىق كومەكتى نىعايتۋ جانە ۇيىمداستىرۋ بويىنشا ءىس-شارالار قابىلداۋدا», دەدى ول.
ءمينيستردىڭ دەرەگىنشە, قازىرگى ۋاقىتتا ەلىمىز بويىنشا 3 054 ءموبيلدى دارىگەرلىك بريگادا جۇمىس ىستەيدى, رەزەرۆتە 1 622 بريگادا بار. كۆي-مەن اۋىراتىن ناۋقاستاردى امبۋلاتوريالىق ەمدەۋگە ۋچاسكەلىك مەديتسينا قىزمەتكەرلەرى كەڭىنەن تارتىلۋدا. شۇعىل مەديتسينالىق كومەكتى 1 486 جەدەل مەديتسينالىق جاردەم بريگاداسى كورسەتەدى, رەزەرۆتە 150-ءى جاساقتالعان. قازىر كۆي كەزىندە مەديتسينالىق كومەك كورسەتۋگە بارلىعى 40 مىڭعا جۋىق مەديتسينا قىزمەتكەرى تارتىلعان. رەزەرۆتە 4 556 مەديتسينالىق قىزمەتكەر بار, ونىڭ 1217-ءى - دارىگەر.
«مەديتسينالىق-سانيتاريالىق العاشقى كومەك ۇيىمدارى قىزمەتكەرلەرىنىڭ جۇمىسىن ىنتالاندىرۋ ماقساتىندا ءموبيلدى بريگادالاردىڭ قايتا شىعۋىن, مىندەتتى الەۋمەتتىك مەديتسينالىق ساقتاندىرۋ ارقىلى ۇيدەگى ستاتسيونارلاردى كەڭەيتۋ جانە بەلسەندى اشۋعا قوسىمشا اقى تولەۋ بويىنشا ءىس-شارالار قابىلداندى. سونداي-اق, ۋچاسكەلىك مەديتسينا قىزمەتكەرلەرىنە كۆي اۋرۋلارىن ۇيدە ەمدەگەن ءۇشىن 3 بازالىق لاۋازىمدىق جالاقى مولشەرىندە قوسىمشا اقى كوزدەلگەن», دەدى اجار عينيات.
