ونەر • 17 قاڭتار، 2022

باعلانوۆا باي-ولكەگە بارعاندا

8163 رەت كورسەتىلدى

بيىل تۋعانىنا 100 جىل تولىپ وتىرعان كسرو حالىق ءارتىسى، حالىق قاھارمانى، اتاقتى ءانشى روزا باعلانوۆا قازاقتىڭ اتىن الەمگە تانىتقان ادام. ول سوعىس جىلدارى مايدان دالاسىندا ءان سالۋمەن قاتار، 1945 جىلى بەرليندە وتكەن جەڭىس كونتسەرتىنە قاتىسقان تۇلعا. بۇل ەكىنىڭ بىرىنە بۇيىرا بەرمەيتىن باقىت.

روزا تاجىبايقىزى جايلى انىق­تامالىقتا، ءانشى اپامىز 1949 جىلى جاستاردىڭ دۇنيەجۇزىلىك فەستيۆالى وتكەن ماجارستان استاناسى بۋدا­پەشتتە ونەر كورسەتۋمەن قاتار، چەحو­سلوۆاكيا، گەرمانيا، اۋستريا، پولشا ەلدەرىن ارالاپ قازاق ءانىن ايگىلەگەن. ودان كەيىن­گى جىلىمىق جىلدارى اقش، فران­تسيا، دانيا، كانادا، يسپا­نيا، جاپونيا، كورەيا، قىتاي، يران سياقتى ونداعان مەملە­كەت­تىڭ ساحنالارىندا، الەم حالىق­تارىنىڭ وتىزدان استام تىلىندە شىرقاعانى جايلى دەرەك بار.

وسى ورايدا، ءانشى اپامىز 1963 جىلدىڭ شىلدە ايىندا موڭعوليا ەلىنە، سونىڭ ىشىندە قازاقتار شوعىر قونىستانعان باي-ولكە ايماعىنا بارىپ، قوب­دانىڭ قوڭىر تاۋلارىن پا­نا­لاعان، سىرتقى دۇنيەمەن اسا ءبىر قاتتى قارىم-قاتىناسى جوق بۇيىعى قازاقتاردىڭ ورتاسىندا ونەر كورسەتكەن ەكەن. وعان مىنا قولدارىڭىزداعى فوتو دالەل. بۇل بەينە اۋەجايدا ءتۇسىرىلىپتى. ءۇش ايەل تۇر. ورتاسىندا روزا اپامىز. فوندا ان-24 ۇشاعى. ياعني ايماق ساحناسىندا ونەر كورسەتكەن اتاقتى اپالارىن باي-ولكەلىك سىڭلىلەرى ۇلانباتىرعا اتتاندىرىپ سالىپ تۇر. ءانشى اپامىزدىڭ وڭ قول جا­عىندا تۇر­­عان ايماقتىق مۋزىكا­لى درا­­­ما تەاترىنىڭ ءبيشىسى كا­شي­پا قۇسايىنقىزى بولسا، سول قو­­لىنان ۇستاپ تۇرعان ادام تا­لانت­تى ءانشى ءارى دراما ءارتىسى سەر­­كەشحان ومارقاجىقىزى ەكەن.

كونەكوزدەردىڭ ايتۋىنا قا­را­عاندا، الەمنىڭ نەبىر اتشاپتىرىم ساحنالارىندا ءان سالىپ ۇيرەن­گەن اپامىز ايماق ورتالىعىنداعى 200 ادامدىق شاعىن كلۋبتى مەن­سىنبەي، قاتتى قوڭىلتاقسىعان كورىنەدى. ونىڭ دا ءجونى بار. ويتكەنى اتاعى الەمگە جايىلعان انگە ەدە­نى شيقىلداپ، ەسىگى قيقىلداپ تۇر­عان اۋىل ساحناسى قوراش بولماي قايتسىن ەندى. ونىڭ سىرتىندا، كەڭەس­تىك قازاقستاننىڭ حالىق ءار­تى­سى دەگەن اتاعى بار. ءسويتىپ، ءبى­راز نازدانىپ العان اپامىز كوپ كە­شىكپەي، قوب­دانىڭ قو­ڭىر دالاسىن انگە بولەگەن ەكەن. ويتكەنى بۇدان دا قيىن كۇندەرى، ياعني 1942 جىلى سولتۇستىك-باتىس مايدان شەبىندە تانكتىڭ ۇستىندە تۇرىپ ءان سالعان ادام ەمەس پە؟! ءسويتىپ، باعلانوۆا­نىڭ باي-ولكەدە ءىزى قالعان. وعان جوعارىدا اتاپ وتكەنىمىزدەي مى­نا ءبىر فوتو كۋا.

اپامىزدىڭ وڭ جاعىندا تۇر­عان كاشيپا اپامىز 1940 جىلى تۋعان. ۇزاق جىل ايماقتىق مۋزىكالى دراما تەاترىندا ءبي­شى-سوليست مىندەتىن ويداعىداي اتقارىپ، اۋماقتىق دارگەيدە دەپۋتات بولۋمەن قاتار، «ەڭبەك داڭقى» مەدالىنىڭ يەگەرى اتان­عانى بار. 1993 جىلى زەينەتكە شىعىپ، اتامەكەنگە ات باسىن بۇرعان. قازىر پاۆلودار وبلىسى، ماي اۋدانى، كوكتوبە اۋىلىندا تۇرادى.

ال سول جاعىندا تۇرعان سەر­كەشحان ومارعاجىقىزى 1941 جىلى تۋعان ءارى ولكەگە تانىمال دراما ءارتىسى. 15 جاسىنان باستاپ، ءارتۇرلى ساحنادا ونەر كورسەتكەن. ولكەنىڭ ونەر شەجىرەسى تايف تاۋكەي ۇلىنىڭ 2018 جىلى ۇلان­باتىر قالاسىندا جارىق كور­گەن «موڭعوليا قازاق­تارىنىڭ ­تەاتر تارلاندارى» اتتى دەرەكتى ەڭبەگىندە: «سەركەشحان 1956 جىلى ەمتيحان تاپسىرىپ ار­تىستىككە قابىلداندى. ول م.اۋە­زوۆتىڭ «ەڭلىك-كەبەگىندە» ەڭ­­لىك­تىڭ، «قوزى كورپەش-بايان سۇلۋ­دا» كۇنىكەيدىڭ، گوگولدىڭ «رەۆي­زورىندا» دۋانباسىنىڭ قىزى ما­ريانىڭ، ع.مۇسىرەپوۆتىڭ «اقان سەرى − اقتوقتىسىندا» دامەلىنىڭ ءرولىن ناقىشىنا كەلتىرىپ سومداي الدى. وتە قابى­لەتتى ادام. جيىرما شاقتى بەت­تىك ءماتىندى ءۇش وقىعاندا جاتتاپ الاتىن ەدى» دەپ جازىپتى. جارىقتىق اپامىز 2011 جىلى ومىردەن وزىپ، جامباسى تۋعان جەرىنە تيگەن ەكەن.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

جەزقازعاندىقتارمەن جۇزدەستى

رەفەرەندۋم-2022 • بۇگىن، 08:28

حالىق تىلەگىنەن تۋعان باستاما

رەفەرەندۋم-2022 • بۇگىن، 08:26

جۇمىلعان جۇدىرىقتاي قاتىسۋىمىز كەرەك

رەفەرەندۋم-2022 • بۇگىن، 08:24

جاڭارۋ جولىنداعى قۇلشىنىس

رەفەرەندۋم-2022 • بۇگىن، 08:20

سەمەيگە سەرپىلىس بەرەتىن باستاما

رەفەرەندۋم-2022 • بۇگىن، 08:17

ۇقساس جاڭالىقتار