ۆەدومستۆونىڭ قورىتىندىسىنا سايكەس, قازاقستاندىق تاۋارلاردى وتكىزۋدىڭ نەگىزگى نارىقتارى قىتاي, يتاليا جانە رەسەي بولىپ قالۋدا. سونداي-اق, بەج, ەو جانە ورتالىق ازيا ەلدەرىنە جەتكىزىلىمدەردىڭ ايتارلىقتاي ءوسۋى تىركەلدى.
«قازاقستاندا وندىرىلگەن ءونىمنىڭ 51%-ى ەكسپورتقا كەتتى. ەكسپورتتىڭ جالپى كولەمىندە وڭدەلگەن تاۋارلاردىڭ ۇلەسى 32,8%-دى قۇرادى. تاۋار نارىقتارىنىڭ سانى 114-تەن 121 مەملەكەتكە دەيىن ۇلعايدى. وڭدەلگەن تاۋارلاردىڭ ەكسپورتى 2019 جىلعى قاڭتار-قاراشامەن سالىستىرعاندا 24,1%-عا ءوستى. ونەركاسىپ تاۋارلارىنىڭ (+30,0%) جانە اۋىل شارۋاشىلىعى تاۋارلارىنىڭ (+2,1%) شيكىزاتتىق ەمەس ەكسپورتى ۇلعايدى. 2021 جىلدىڭ 9 ايىندا كورسەتىلەتىن قىزمەتتەر ەكسپورتى 11,3%-عا ءوستى. ەكسپورتتالاتىن نەگىزگى قىزمەتتەر - كولىك قىزمەتتەرى, ساپارلار جانە باسقا دا ىسكەرلىك قىزمەتتەر», دەلىنگەن ساۋدا مينيسترلىگىنىڭ اقپاراتىندا.
