ايماقتار • 17 قاڭتار، 2022

الماتىدا قوعامدىق كولىك قىزمەتى تولىق جانداندى

92 رەت كورسەتىلدى

مەگاپوليستەگى بارلىق باعدارشامدار قالپىنا كەلتىرىلىپ، اۆتوبۋس پەن تروللەيبۋس باعىتتارى تولىق جۇمىس ىستەيدى، دەپ حابارلايدى Egemen.kz.

17 قاڭتاردان باستاپ الماتى مەتروسىنىڭ جۇمىسى قايتا جانداندى. جۇمىس ۋاقىتى 7:00-دەن 21:00-گە دەيىن.

سونداي-اق، بارلىق 151 مارشرۋت جانە 1600 بىرلىك جىلجىمالى قۇرام، سونىڭ ىشىندە تروللەيبۋس پەن قالا ماڭىنداعى باعىتتار ىسكە قوسىلدى.

قالالىق مارشرۋتتاردىڭ جۇمىس ءتارتىبى 8:00-دەن 21:00-گە دەيىن، قالا ماڭىنداعى مارشرۋتتاردا 9:00-دەن 21:00-گە دەيىن.

قالالىق موبيلدىلىك باسقارماسىنىڭ باسشىسى عاني مىرزاحانوۆتىڭ ايتۋىنشا، تارتىپسىزدىك كەزىندە 28 بىرلىك اۆتوبۋس زاقىمدالعان، ونىڭ ىشىندە: 26 بىرلىك - «الماتىەلەكتروترانس» جشس، 1 بىرلىك - «اۆتوالماترانس» جشس، 1 بىرلىك - «اۆتوترانسگاز» جشس. قازىرگى ۋاقىتتا 16 اۆتوبۋس تولىق قالپىنا كەلتىرىلدى، قالعان 12 اۆتوبۋس قوسالقى بولشەكتەردىڭ قاڭتار ايىنىڭ سوڭىنا دەيىن جەتكىزىلۋىنە قاراي قالپىنا كەلتىرىلەدى.

اۋەجاي مەن تەمىرجول ۆوكزالدارى شتاتتىق رەجيمدە جۇمىس ىستەيدى.

15 قاڭتاردان باستاپ تالدىقورعان، تاراز، شىمكەنت قالالارىنا قالاارالىق تاسىمالدار جارتىلاي جاڭارتىلدى.

قالانىڭ كوشە-جول جەلىسىن زەرتتەۋ ناتيجەلەرى بويىنشا 1050 شارشى مەتر جول جابىنىنىڭ، 410 مەتر ۇيىلگەن جيەكتەردىڭ، 98 دانا بۇزىلعان مەتالل تورلاردىڭ بۇزىلۋى انىقتالدى. جوندەۋ-قالپىنا كەلتىرۋ جۇمىستارى اياقتالدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار