«اۆتوبۋس» اكتسياسى ءوتتى

وبلىستىق ىشكى ىستەر دەپار­تامەنتىنىڭ اكىمشىلىك پوليتسياسى باسقارماسى قوعامدىق كولىكتەردىڭ قاتىسۋىمەن بولاتىن جول-كولىك وقيعالارىنىڭ الدىن الۋ ماق­ساتىندا ۇستىمىزدەگى جىلعى 12-14 ناۋ­رىز ارالىعىندا ايماق اۋماعىندا «اۆتوبۋس» شۇعىل الدىن الۋ شارالارىن جۇرگىزدى. بۇل شارانىڭ ماق­ساتى جول قوزعالىسى قاۋىپسىزدىگىن قامتاماسىز ەتۋ جانە جولاۋشىلار كولىگى اپاتىنىڭ الدىن الۋ بولىپ تابىلادى. جىل باسىنان بەرى جول-پاترۋلدىك پوليتسيا بولىمشەلەرى اۆتوبۋس جۇرگىزۋشىلەردىڭ 191 جول قوزعالىسى ەرەجەلەرىن بۇزۋ دەرەك­تەرىن انىقتادى. ونىڭ بىرەۋىندە اۆتوبۋس جۇرگىزۋشىنىڭ ماس كۇيىندە رولگە وتىرعانى بەلگىلى بولدى. سونداي-اق, وسى مەرزىمدە اۆتوبۋس ءجۇر­­­گىزۋشىلەر جاساعان 4 جول-كولىك وقي­عاسىنىڭ سالدارىنان ءبىر ادام كازا تا­ۋىپ, ءۇش ادام جاراقات العان. شۇعىل الدىن الۋ شارالارىن وتكىزۋ بارىسىندا جولاۋشى­لار مەن جۇكتەردى تۇراقتى نەمەسە اراگىدىك تاسىمالداۋعا رۇق­سات قۇجاتتارىنىڭ بولۋىنا, اۆتوبۋس­تاردىڭ جاراق­تى­لىعىنا جانە جۇرگىزۋشىلەردىڭ رەيسكە شىعار الدىندا مەديتسينالىق جانە تەحني­كالىق تەكسەرۋلەردەن وتكەن-وتپە­گەندىگىنە باسا نازار اۋدارىلدى. جول قوزعالىسى ەرەجەلەرىن بۇزعان اۆتوبۋس جۇرگىزۋشىلەرىنىڭ بۇدان بىلاي جولاۋشىلار تاسىمالداۋعا جىبەرىلۋ-جىبەرىلمەۋى ءتيىستى ورىنداردا قارالاتىن بولادى. ساتىبالدى ءساۋىرباي,  «ەگەمەن قازاقستان».