ايماقتار • 17 قاڭتار، 2022

الماتىداعى تارتىپسىزدىك: شىعىن 112 ملرد تەڭگەدەن استى

55 رەت كورسەتىلدى

الماتىداعى تارتىپسىزدىكتەردەن كەيىنگى شىعىن 112 ميلليارد تەڭگەدەن اسادى دەپ ەسەپتەلىپ وتىر. بۇل تۋرالى الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا قالا اكىمىنىڭ ورىنباسارى ءىلياس وسەروۆ مالىمدەدى، دەپ حابارلايدى Egemen.kz.


«الماتىدا تارتىپسىزدىكتەر كەزىندە كەلگەن شىعىندى ەسەپتەۋ جۇمىستارى ءجۇرىپ جاتىر. الدىن الا ەسەپ بويىنشا شىعىن كولەمىن 112،6 ميلليارد تەڭگەنى قۇرادى. ونىڭ ىشىندە بيزنەس ورىندارىنا كەلگەن شىعىن – 67 ميلليارد تەڭگە. قازىر شاعىن جانە ورتا بيزنەسكە – 42 ميلليارد تەڭگە، ءىرى بيزنەسكە كەلگەن شىعىن 25 ميلليارد تەڭگە دەپ باعالانىپ وتىر. دەرەكتەردى قايتا تەكسەرۋ جۇمىستارى جالعاسىپ جاتىر»، دەدى وسەروۆ.

سونداي-اق:

  • ازىق-ت ۇلىك ساتپايتىن دۇكەندەر – 20،9 ميلليارد تەڭگە;
  • ازىق-ت ۇلىك دۇكەندەر – 5،7 ميلليارد تەڭگە;
  • قارۋ-جاراق دۇكەندەر – 6،4 ميلليارد تەڭگە;
  • لومباردتار – 2،9 ميلليارد تەڭگە;
  • قوعامدىق تاماقتانۋ ورىندارى – 1،8 ميلليارد تەڭگە;
  • قارجى ۇيىمدارى (بانك، بانكوماتتار) – 702 ميلليون تەڭگە.

اكىم ورىنباسارىنىڭ ايتۋىنشا، اكىمشىلىك عيماراتتارعا كەلگەن شىعىن 22،6 ميلليارد تەڭگەنى قۇرادى. ونىڭ ىشىندە:

  • اكىمدىك عيماراتى – 20 ميلليارد تەڭگە;
  • پروكۋراتۋرا عيماراتى – 2 ميلليارد تەڭگە;
  • پوليتسيا دەپارتامەنتى جانە پوليتسيا ءبولىمى عيماراتى – 205 ميلليون تەڭگە;
  • ەكوبەكەتتەر – 163 ميلليون تەڭگە;
  • مەديتسينا مەكەمەلەرى – 2 ميلليون تەڭگە.

«ماتەريالدىق-تەحنيكالىق شىعىن 16،7 ميلليارد تەڭگەنى قۇرايدى. پوليتسيا دەپارتامەنتىنىڭ جابدىقتارى مەن قارۋ-جاراعىنا كوپ شىعىن كەلگەن (16 ميلليارد تەڭگە). «سەرگەك» جۇيەسى بويىنشا شىعىن الدىن الا 250 ميلليون تەڭگە دەپ ەسەپتەلىپ وتىر. مەملەكەتتىك جانە جەكەمەنشىك كولىكتەردىڭ شىعىنى – 1،9 ميلليارد تەڭگە. زارداپ شەككەن قىزمەتكەرلەرگە بەرىلەتىن وتەماقى 617،5 ميلليون»، دەدى اكىم ورىنباسارى.

ايتۋىنشا، الماتى بويىنشا تارتىپسىزدىك كەزىندە ەڭ كوپ شىعىن المالى اۋدانىنا (20،5 ميلليارد تەڭگە) كەلگەن. ودان كەيىن اۋەزوۆ (20،1 ميلليارد تەڭگە)، بوستاندىق (17،3 ميلليارد تەڭگە) اۋدانى تۇر. ەڭ از شىعىن كەلگەن اۋدان – ناۋرىزباي اۋدانى.



 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار