تۇركىستان وبلىسىنىڭ اۋماعىندا ازاماتتاردىڭ قاۋىپسىزدىگى مەن قوعامدىق ءتارتىپتى قامتاماسىز ەتۋ ماقساتىندا «قۇقىقتىق ءتارتىپ» جەدەل الدىن الۋ ءىس-شاراسى وتكىزىلۋدە.
كريمينالدىق پوليتسيا قىزمەتكەرلەرى وتىرار اۋدانىنىڭ اۋماعىندا ماريحۋانا ورالعان قاعاز بۋماسى مەن 36 پاترونى بار تىركەلمەگەن قوس ۇڭعىلى اڭشىلىق مىلتىقتى ساقتاعان جەرگىلىكتى تۇرعىندى ۇستادى. ءتىنتۋ جۇمىستارى بارىسىندا كۇدىكتىدەن ءدىني سيپاتتاعى 20-دان استام كىتاپ, بروشيۋرا جانە جۋرنال تاركىلەندى.
سونداي-اق, تۇلكىباس اۋدانىندا تىركەلمەگەن سيگنالدىق تاپانشا مەن 16 كاليبرلى اڭشى مىلتىعى تاركىلەنگەن ەر ادام ۇستالدى.
كەنتاۋ قالاسىنىڭ اۋماعىندا پوليتسيا قىزمەتكەرلەرى ازاماتتاردىڭ بىرىنەن ماريحۋانا ەسىرتكى زاتى مەن مەتالل كاستەت تاپتى. ال جەتىساي اۋدانىندا پوليتسەيلەر تىركەلمەگەن گاز تاپانشاسىن, ءتۇرلى كاليبرلى 20-دان استام پاترون مەن ماريحۋانا سالىنعان تۇيىنشەكتى ساقتاعان كۇدىكتىنى ۇستادى.
سونىمەن قاتار, ماقتارال اۋدانىندا كريمينالدىق پوليتسيا قىزمەتكەرلەرى اۋىل تۇرعىندارىنىڭ بىرىنەن 16 كاليبرلى, ال ورداباسى اۋدانىنىڭ تۇرعىنىنان 12 كاليبرلى كەسىندى تاپتى.
سارىاعاش اۋدانىنىڭ اۋماعىندا تىركەلمەگەن تراۆماتيكالىق تاپانشا ۇستاعان اۋدان ورتالىعىنىڭ تۇرعىنى ۇستالدى.
بارلىق فاكتىلەر سدتبت-دە قك-ءنىڭ 296-بابى «ەسىرتكى قۇرالدارىمەن, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ» جانە قك-ءنىڭ 287-بابى «قارۋدى, وق-دارىلەردى, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا تىركەلگەن.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. بىرقاتار ساراپتامالار تاعايىندالدى.
