كاتونقاراعاي اۋدانىندا «سوگورنوە-بارلىق» اۆتوجولىنىڭ 11-ءشى شاقىرىمىندا اۋا تەمپەراتۋراسىنىڭ كوتەرىلۋى مەن جەلدىڭ قاتتى ەكپىنىنە بايلانىستى كولەمى 30 تەكشە مەتر, ال ەكىنشى ۋچاسكەنىڭ 14-ءشى شاقىرىمىندا كولەمى 150 تەكشە مەتر قار كوشكىنى ءتۇستى.
«وقيعا ورىندارىنا جەرگىلىكتى اتقارۋشى ورگانداردىڭ تەحنيكاسى دەرەۋ تارتىلدى. قار كوشكىنى اۋداننىڭ تىنىس-تىرشىلىگىنە اسەر ەتكەن جوق, قازا بولعاندار مەن زارداپ شەككەندەر جوق», دەپ حابارلادى تجد.
جۋىردا «قازسەلدەنقورعاۋ» جانە شقو تجد ماماندارى 2022 جىلدىڭ 17 قاڭتارىنا دەيىن ايماقتاعى كوشكىن قاۋپى تۋرالى حابارلادى. ماماندار كوشكىن قاۋپى بار وشاقتاردان ءوتۋ كەزىندە تۇرعىندارعا اسا مۇقيات بولۋ كەرەكتىگىن ايتتى.
ايتا كەتسەك, وبلىس اۋماعىندا كوشكىن قاۋپى بار 497 وشاق بار, ولاردىڭ 336-سى قۇرىلىستارعا, اۆتوجولدارعا جانە ادامداردىڭ ومىرىنە قاۋىپ توندىرەدى.
