ءبىلىم • 17 قاڭتار، 2022

جىرشىلىق مەكتەپ قايتا جاڭعىردى

63 رەت كورسەتىلدى

الماتىدا ÖzgeEpic زاماناۋي ونەر كەڭىستىگى Jauhar ۇلتتىق مۋزىكا جوباسىن كوپشىلىككە تانىستىردى. ۇلت مادەنيەتىنىڭ مايەگى سانالاتىن ۇلتتىق مۋزىكانى زامان تالابىنا ساي دامىتىپ، ءداستۇرلى ءان-كۇي مەكتەپتەرىنىڭ ارناسىن كەڭەيتۋدى ماقسات ەتكەن جوبا كوپشىلىكتىڭ قىزىعۋشىلىعىن تۋدىرىپ وتىر.

جوبا اۆتورلارى Jauhar­دىڭ العاشقى كەزەڭىندە ماڭ­عىستاۋ جىرشىلىق مەكتەبىنىڭ وكىلدەرىن ناسيحاتتاۋ كوزدەل­گەنىن ايتادى. وسى رەتتە جو­باعا اماندىق كومەك ۇلى، ۇزاق­­باي ساحيەۆ، جەتكىزگەن

سەيى­تو­ۆ،­ احمەت باي­ە­كەشوۆ، ار­­عىن بي­سەن­ ۇلى، امان­بەك ساۋىر­باەۆ، وڭداسىن قالقان، وسپان قۇلسىماقوۆ، ريزابەك سەرىك، باقداۋلەت تولىبەك ۇلى سە­كىلدى 10 جىرشى قاتىسىپ، ابىل، اقتان، قاشاعان، نۇ­رىم، ارال­باي سىندى اقىن-جى­راۋ­­لار­دىڭ شىعارمالارىن ورىن­دادى.

«ۇلتتىق ونەرىمىزدىڭ قاي­نار بۇلاعى – ءداستۇرلى ءان-كۇي مەك­تەپتەرىندە جاتىر. وسى رۋ­­حاني باي­لىعىمىزدى قا­زىر­گى زاماندىق مەديانىڭ مۇم­كىن­دىكتەرىنە يكەم­دەپ، زاماناۋي دىبىس جانە بەي­نەتۇسىرىلىم ۇيىمداستىردىق، بۇل جۇمىسقا وتاندىق ۇزدىك مامان­دار­دى تارتتىق. بۇل ساپالى كونتەنت جاس بۋىننىڭ ۇلتتىق مۋزى­كاعا دەگەن وڭ كوزقاراسىن قا­لىپتاستىرادى دەپ سەنەمىز»، – دەيدى جوبا پروديۋسەرى توعجان قۇرمانجانقىزى.

Jauhar جوباسىنىڭ ال­عاش­­قى ماۋسىمى 10 ەپيزود­تان تۇرادى. ءار ەپيزود ءبىر جىر­شى­نىڭ شىعارماشىلىعىن قام­­تيدى، حرونومەتراجى 35-40 مينۋت. جىل اياعىنا دەيىن بارلىق مۋزىكالىق ستريمينگتىك پلاتفورمالاردا 10 مۋزىكالىق البوم جاريالانىپ، تەگىن تىڭ­داۋ مۇمكىندىگى قوسا بەرىلمەك.

تۇساۋكەسەر راسىمىندە ÖzgeEpic زاماناۋي ونەر كەڭىس­تىگىنىڭ ۇيىمداستىرۋشىسى ماق­­پال جۇماباي: «ۇلتتىق مۋزى­كامىزدىڭ تۇراقتى پلات­فور­ماسىن قالىپتاستىرۋ ار­قىلى ءبىز ءوز دەڭگەيىمىزدە ونە­رىمىزدىڭ تۇرلەنۋىنە، دامۋىنا جول اشپاقپىز. حالىقتىڭ رۋحاني مۇراسى تسيفرلى الەمدە مول قورىن جاساقتاپ، ءوز ورنىن يەلەنگەندە عانا بولاشاققا باتىل كوش تۇزەيدى. سوندىقتان دا جىل­دارعا سوزىلاتىن بۇل جوبا جىرشىلىق، كۇيشىلىك مەكتەپتەردىڭ جاس تىڭدارمانىن ارتتىرىپ، سونى سەرپىن بەرەرىنە سەنىمدىمىز»، دەپ اتاپ ءوتتى.

ەسكە سالساق، ÖzgeEpic ونەر كەڭىستىگى بۇعان دەيىن زاماناۋي قازاق مۋزىكاسىن دامىتۋعا باعىتتالعان Jańgyryq جوباسىن جارىققا شىعارعان بولاتىن.

 

الماتى

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار