ايماقتار • 16 قاڭتار، 2022

الماتىداعى تارتىپسىزدىكتەر كەزىندە قانشا قارۋ ۇرلانعان

74 رەت كورسەتىلدى

3 قاڭتاردا ەلىمىزدى باتىسىنداعى شەرۋلەردى قولداۋ ماقساتىندا الماتىدا زاڭسىز جيىندار وتكەن ەدى. بۇل كۇنى ءارتۇرلى الاڭدا جينالعاندار اراسىندا ورەسكەل زاڭبۇزۋشىلىق تىركەلمەگەن، دەپ حابارلايدى Egemen.kz.

قاڭتاردىڭ ءتورتى كۇنى «الماتى ارەنا» مۇز ايدىنىندا 2000-عا جۋىق نارازىلىق ءبىلدىرۋشى جينالعان. سونداي-اق شىعىس اينالىم جولىنىڭ ماڭىندا ءبىر توپ ادامدار زاڭسىز ناۋقاندار وتكىزگەن. قالانىڭ باسقا بولىكتەرىندە دە 500-دەن 2000-دەيىن ادامدار جينالا باستاعان. الماتى قالاسى پد-نىڭ حابارلاۋىنشا، ولارمەن ءتۇسىندىرۋ جۇمىستارى جۇرگىزىلگەن.

- بارلىق جاعدايدا پوليتسيا قىزمەتكەرلەرى قوعامدىق ءتارتىپ ساقتاۋ، قۇقىق ساتقاۋدى قامتاماسىز ەتۋدىڭ بۇرىن ازىرلەنگەن الگوريتمى بويىنشا جۇمىس ىستەدى جانە قارۋسىز بولدى. رۇسقىلوۆ، ساين، شىعىس اينالىم جولى، تولەبي كوشەلەرىنىڭ بويىندا جولداردى جاۋىپ، كولىكتەردى توقتاتۋ ارەكەتى جاسالدى. وسى دەرەكتەر بويىنشا پوليتسيا وقيعا ورنىنا باردى. ارينە، اسكەري كۇشتەردى قالانىڭ ءارتۇرلى بولىكتەرىنە جۇمىلدىرۋعا اكەلىپ سوقتى. شەرۋشىلەردىڭ سانىنىڭ ارتۋىنا بايلانىستى ولارعا لاڭكەستىك، راديكالدى ەكسترەميستەر قوسىلىپ، پوليتسياعا قارسى اگرەسسيۆتىك ارەكەتتەرگە باعىتتاپ، اكىمدىك عيماراتىن باسىپ الۋعا شاقىردى. بارلىق ارەكەتتەر ناقتى  ۇيىمداستىرىلعان بولدى. ادامدار جينالعان ورىنعا تاياق، بيتا، برۋسچاتكا، تاستار، بوتەلكەگە قۇيىلعان بەنزين جانە الكوگول تۇرلەرىن ۇيىمداستقان تۇردە اكەلىندى. قالا ورتالىعىندا تولە بي داڭعىلىنداعى تراتۋار تاقتالارىن بولشەكتەي باستادى. وسىعان وراي مەن قوعامدىق قاۋىپسىزدىكتى قامتاماسىز ەتۋ، ازاماتتاردىڭ ءومىرى مەن مۇلكىن قورعاۋ ماقساتىندا جەدەل جوسپار ەنگىزدىم. دابىل بويىنشا گارنيزوننىڭ بارلىق جەكە قۇرامى كوتەرىلدى. بارلىق جەرگە قوسىمشا جاساقتار مەن ۇلتتىق ۇلاننىڭ اسكەري قىزمەتكەرلەرى قويىلدى. ستراتەگيالىق نىساندار مەن تىرشىلىكتى قامتاماسىز ەتۋ نىساندارىن قورعاۋ كۇشەيتىلدى. وسى ۋاقىتتا لاڭكەستەر ءبىر مەزگىلدە قالانىڭ ءار جەرىندە پاترۋلدىك جاساقتارعا شابۋىلداي باستادى. لاڭكەستەردىڭ باسقا توپتارى ءبىر ۋاقىتتا قارۋ-جاراق دۇكەندەرىن باسىپ الدى. ولار سول جەردەن قارۋ-جاراق پەن وق-دارىلەردى يەمدەندى. بۇگىنگى تاڭدا بارلىعى 1 347 قارۋ ۇرلانعان. ونىڭ ىشىندە  501-ءى مىلتىق، 807-ءسى تەرىس ۇڭعىلى جانە 39 گاز-تراۆماتيكالىق قارۋ. وسىنىڭ بارلىعى ناقتى ۇيىمداستىرىلعان. ولاردىڭ ءىس-ارەكەتى توپ جەتەكشىلەرىمەن ۇيلەستىرىلگەن، - دەدى  الماتى قالاسى پوليتسيا دەپارتامەنتىنىڭ باستىعى قانات تايمەردەنوۆ.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار