قازاقستاننىڭ باتىستاعى قاقپاسى ورال وڭىرىندە رەسەيدىڭ شەكارالاس وبلىستارىمەن مادەني-رۋحاني بايلانىستار جۇيەلى جولعا قويىلعان. ەكى ەل اراسىندا وسىلايشا مادەنيەت پەن ونەر شەڭبەرىندەگى ينتەگراتسيالىق قارىم-قاتىناستار جىلدان-جىلعا نىعايىپ كەلەدى. وسىنداي ماقساتپەن وتكەن اپتادا وبلىس ورتالىعىندا سامارا قالاسىنىڭ پەتر ميلوسلاۆوۆ اتىنداعى مەملەكەتتىك ۆولگا ورىس حالىق حورى تاماشا كونتسەرت بەردى.
حالىقتىق قاينارمەن سۋارىلعان ونەر تۋىندىسىنىڭ قاي-قايسىسى دا ادامداردىڭ جۇرەگىنە جاقىن كەلەدى. ۇلتتىق بوياۋ مەن كولوريتكە تولى شىعارمالار سەزىم پەرنەسىن ءدوپ باسىپ تىڭداۋشىلاردىڭ كوڭىلدەرىن كوككە كوتەرىپ, قيالدارىن قياعا قالىقتاتادى. ونەر اتاۋلىنىڭ كۇللىسىندە شەكارا دەگەن تۇسىنىك مۇلدەم بولمايدى. بۇل ءار ەلدەگى, ءار ەندىكتەگى ادامداردى جاقىنداستىرا الاتىن تاپتىرماس تۇتقا. سامارالىق ونەرپازداردىڭ ورالداعى كونتسەرتى دە وسى اقيقاتتى ودان ءارى شەگەلەي تۇسكەندەي اسەر قالدىردى. ساحنا شىمىلدىعى جابىلعان سوڭ ۆولگا ورىس حالىق حورىنىڭ كوركەمدىك جەتەكشىسى, رەسەيدىڭ ەڭبەك سىڭىرگەن ونەر قايراتكەرى ۆلاديمير پوحوموۆ گازەت تىلشىسىنە ءوز وي-پىكىرىن بىلايشا جەتكىزدى.
– قازىرگى كۇنى ونەر ۇجىمدارىندا ۇلتتىق قۇندىلىقتارعا باسىمدىق بەرۋ ءۇردىسى ءبىرىنشى كەزەككە شىعىپ وتىرعانىنا قۋانامىز. ءبىز دە كونتسەرتتىك نومىرلەردى وسى ىڭعايمەن ىرىكتەۋگە تىرىستىق. و باستاعى ۇلتتىق تامىرى مەن قادىر-قاسيەتىنەن ايرىلعان تۋىندىلاردىڭ بايگەسى الىسقا بارا المايدى. سوندىقتان, مادەني بايلانىستاردى ۇدايى جالعاستىرىپ كەلە جاتقان رەسەي مەن قازاقستاننىڭ ونەر شەبەرلەرى ورتاق حالىقتىق قۇندىلىقتاردى كوزدىڭ قاراشىعىنداي ساقتاپ, ونى كەلەشەك ۇرپاققا مۇرا ەتىپ قالدىرسا بۇل شىعارمالاردىڭ عۇمىرى وشپەيدى. ونىڭ ۇستىنە قازىر كورشىلەس ەكى ەلدە دە حالىق شىعارماشىلىعىنا دەگەن قىزىعۋشىلىق پەن مۇددەلىلىكتىڭ ارتىپ وتىرعانى كوڭىلگە ۇلكەن سەنىم تۋعىزادى. بۇگىنگى ەكى بولىمنەن تۇراتىن ۇلكەن كونتسەرتتە دە باتىسقازاقستاندىق باۋىرلارىمىز بىزگە ۇلكەن سەرپىن بەردى. بەك ريزامىز, كوپ راحمەت!
تەمىر قۇسايىن,
«ەگەمەن قازاقستان».
ورال.
––––––––––––––
سۋرەتتە: ۆولگا حالىق حورىنىڭ كونتسەرتىنەن كورىنىس.
حالىقتىق قاينارمەن سۋارىلعان ونەر تۋىندىسىنىڭ قاي-قايسىسى دا ادامداردىڭ جۇرەگىنە جاقىن كەلەدى. ۇلتتىق بوياۋ مەن كولوريتكە تولى شىعارمالار سەزىم پەرنەسىن ءدوپ باسىپ تىڭداۋشىلاردىڭ كوڭىلدەرىن كوككە كوتەرىپ, قيالدارىن قياعا قالىقتاتادى. ونەر اتاۋلىنىڭ كۇللىسىندە شەكارا دەگەن تۇسىنىك مۇلدەم بولمايدى. بۇل ءار ەلدەگى, ءار ەندىكتەگى ادامداردى جاقىنداستىرا الاتىن تاپتىرماس تۇتقا. سامارالىق ونەرپازداردىڭ ورالداعى كونتسەرتى دە وسى اقيقاتتى ودان ءارى شەگەلەي تۇسكەندەي اسەر قالدىردى. ساحنا شىمىلدىعى جابىلعان سوڭ ۆولگا ورىس حالىق حورىنىڭ كوركەمدىك جەتەكشىسى, رەسەيدىڭ ەڭبەك سىڭىرگەن ونەر قايراتكەرى ۆلاديمير پوحوموۆ گازەت تىلشىسىنە ءوز وي-پىكىرىن بىلايشا جەتكىزدى.
– قازىرگى كۇنى ونەر ۇجىمدارىندا ۇلتتىق قۇندىلىقتارعا باسىمدىق بەرۋ ءۇردىسى ءبىرىنشى كەزەككە شىعىپ وتىرعانىنا قۋانامىز. ءبىز دە كونتسەرتتىك نومىرلەردى وسى ىڭعايمەن ىرىكتەۋگە تىرىستىق. و باستاعى ۇلتتىق تامىرى مەن قادىر-قاسيەتىنەن ايرىلعان تۋىندىلاردىڭ بايگەسى الىسقا بارا المايدى. سوندىقتان, مادەني بايلانىستاردى ۇدايى جالعاستىرىپ كەلە جاتقان رەسەي مەن قازاقستاننىڭ ونەر شەبەرلەرى ورتاق حالىقتىق قۇندىلىقتاردى كوزدىڭ قاراشىعىنداي ساقتاپ, ونى كەلەشەك ۇرپاققا مۇرا ەتىپ قالدىرسا بۇل شىعارمالاردىڭ عۇمىرى وشپەيدى. ونىڭ ۇستىنە قازىر كورشىلەس ەكى ەلدە دە حالىق شىعارماشىلىعىنا دەگەن قىزىعۋشىلىق پەن مۇددەلىلىكتىڭ ارتىپ وتىرعانى كوڭىلگە ۇلكەن سەنىم تۋعىزادى. بۇگىنگى ەكى بولىمنەن تۇراتىن ۇلكەن كونتسەرتتە دە باتىسقازاقستاندىق باۋىرلارىمىز بىزگە ۇلكەن سەرپىن بەردى. بەك ريزامىز, كوپ راحمەت!
تەمىر قۇسايىن,
«ەگەمەن قازاقستان».
ورال.
––––––––––––––
سۋرەتتە: ۆولگا حالىق حورىنىڭ كونتسەرتىنەن كورىنىس.
