قوعام • 16 قاڭتار، 2022

ۇقشۇ-نىڭ رەسەيلىك بىتىمگەرلەرى قازاقستاننان كەتتى

107 رەت كورسەتىلدى

ۇقشۇ قۇرامىنداعى رەسەي بىتىمگەرلەرى الماتىدان ماسكەۋ وبلىسىنداعى «چكالوۆسكي» اۋەجايىنا ۇشىپ كەتتى، دەپ حابارلايدى Egemen.kz.

«قازاقستانداعى ۇقشۇ بىتىمگەرشىلىك كۇشتەرى قۇرامىنداعى رەسەيلىك بولىمشەلەر رەسەي اسكەري-كولىك اۆياتسياسى ۇشاقتارىنا اسكەري تەحنيكانى تيەپ، الماتىدان ۇشىپ شىقتى»، دەلىنگەن حابارلامادا.

ارمەنيا، بەلارۋس جانە وزبەكستاننان كەلگەن بىتىمگەرلەر 14 قاڭتاردا ەلىنە ورالدى. بارلىق بىتىمگەر بولىمشەنى تۇراقتى ورنالاسۋ پۋنكتىنە قايتارۋدى 19 قاڭتارعا دەيىن اياقتاۋ جوسپارلانعان.

«الماتى» اەرودرومىنان بارلىعى 19 ۇشاق ۇشىپ كەتتى، ولار رەسەي فەدەراتسياسىنا ۇقشۇ كۇشتەرى قۇرامىنداعى رەسەيلىك بىتىمگەرلەردى جەتكىزەدى»، دەپ حابارلادى رەسەي قورعانىس مينيسترلىگى.

«قازىرگى ۋاقىتتا رەسەي اسكەري-كولىك اۆياتسياسىنىڭ 19 ۇشاعى (18 يل-76 ۇشاعى جانە 1 ان-124 «رۋسلان» ۇشاعى) الماتى اەرودرومىنان ۇشىپ شىقتى»،  دەلىنگەن حابارلامادا.

بۇگىندە ۇشاقتار اۋە كۇشتەرى بولىمشەلەرىنىڭ جەكە قۇرامى مەن جابدىقتارىن ماسكەۋ وبلىسىنداعى چكالوۆسكي اەرودرومىنا جەتكىزىپ جاتىر.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار