ارىپتەستىك بايلانىستار نىعايادى

قازاقستان پرەزيدەنتى ن.نا­زار­باەۆ ۇسىنعان «ماڭگىلىك ەل» جو­باسى مەملەكەتارالىق ىنتى­ماق­تاستىقتى نىعايتۋ قادامدارىنا قۋات بەرۋدە. استانالىق اقمولا وبلىسىنىڭ اكىمى قوسمان ايت­مۇ­حامەتوۆتىڭ كانادانىڭ قازاق­ستانداعى توتەنشە جانە وكىلەتتى ەلشىسى ستيۆەن ميللەرمەن كەزدە­سۋىندە وسى ماسەلەلەر كەڭىنەن تال­قىعا سالىنىپ, ناقتى شەشىمدەر قابىلداندى. قابىلداۋدا ءوڭىر باسشىسى اۋىل شارۋاشىلىعى مەن ءوندىرىس سالاسىندا بىرلەسكەن جوبالاردى جۇزەگە اسىرۋدا كانادا اقمولا وبلىسىنىڭ سەنىمدى ارىپتەسى ەكەندىگىن اتاپ كورسەتتى. ماسەلەن, 2013 جىلى وبلىستىڭ كانادامەن تاۋار اينالىمى 36 ميلليون اقش دوللارىن قۇراپ, 2012 جىلمەن سا­لىس­تىرعاندا ەكى ەسە ارتىق كور­سەت­كىشكە قول جەتكىزىلدى. ايرىقشا كوڭىل قويارلىق جۇ­مىس­تىڭ ءبىرى رەتىندە, 2011-2013 جىل­دار ارالىعىندا ەتتى قارا مال شارۋاشىلىعىن دامىتۋ باع­دار­لاماسى شەڭبەرىندە كانادادان 1800 باس اسىل تۇقىمدى مال جەتكىزىلگەنى اتاپ ءوتىلدى. قازىرگى تاڭدا وزىق تەحنولوگيا تالاپتارىندا كۇتىمگە الىنعان مالدان جوعارى ءونىم الىنۋدا. سوڭعى ەكى جىلدىڭ ءتول توگىمى ناتيجەسىندە قوسىمشا تابىندار قاتارى ايتار­لىقتاي كوبەيدى. بۇل ورايدا, شە­تەلدىك سەلەكتسياداعى «انگۋس», «گەرەفورد» ءىرى قارا مالىن كوپ­تەپ ساتىپ العان «بالقاشىن» اسىل تۇقىمدى زاۋىتىنىڭ, «وسترو­گورسكي», «ارشالى اگرو ءونىم­دەرى», «ساندىقتاۋ» جشس مەن «اسىل ت ۇلىك» اق-تىڭ  جاقسى جۇ­مىستارى اتاپ ءوتىلدى. سونداي-اق, بۇگىنگى كۇنى اقمولا وبلىسىنىڭ اۋىلشارۋاشىلىق تاۋار وندىرۋشىلەرىنىڭ مەنشىگىندە جوعارى ونىمدىلىكتەگى «بورگو», «مورريس», «فەليكسيكويل», «اميتي», «بيۋللەر»  ماركالى 693 ءبىر­لىك كانادالىق وزىق تەحنيكا بار. ونىڭ جالپى قۇنى 14,8  ميلليارد تەڭگەنى نەمەسە 99,3 ميلليون اقش دوللارىن قۇراپ وتىر. كەزدەسۋگە قاتىسۋشى جەر­گى­لىكتى تاۋار وندىرۋشىلەر مەن اۋىل شارۋاشىلىعىنىڭ  مامان­دارى اقمولا ءوڭىرى مەن كانا­دا عالىمدارى شورتاندى اۋدا­نىن­داعى ا.ي.باراەۆ اتىنداعى عىلى­مي-زەرتتەۋ ينستيتۋتىنىڭ بازا­سىندا ازىقتىق سويانىڭ اۋدان­داستىرىلعان سەلەكتسياسىن جاساۋدا بىرلەسىپ جۇمىس ىستەپ كەلە جات­قا­نىنا ريزاشىلىق ءبىلدىردى. تۇپكى ماقسات – قاتال كليماتتىق جاع­دايدا ماڭىزدى ءونىمنىڭ 70-75 كۇن­دە ءپىسىپ-جەتىلۋىن قامتاماسىز ەتۋ. ءوز كەزەگىندە ستيۆەن ميللەر ءوز ەلىنىڭ بايىرعى ارىپتەستىك بايلانىستاردى نىعايتىپ,  ايماق شارۋالارى مەن كاسىپكەرلەر قىزمەتىن ورىستەتۋگە مۇددەلى ەكەندىگىن مالىمدەدى. سونىمەن بىرگە, ول مەملەكەتارالىق ينتەگراتسيانى دامىتۋ ماقساتىندا  اقمولا وبلىسىنىڭ دەلەگاتسياسىن كاناداعا كەلىپ قايتۋعا شاقىردى. سونداي-اق, كانادانىڭ ماني­توبا پروۆينتسياسىنىڭ دەلەگاتسياسىن اقمولا وبلىسى اكىمىنىڭ ءبىرىنشى ورىنباسارى راشيت اكىموۆ قابىلدادى. وندا كانادا ۇكىمەتىنىڭ ينۆەستيتسيا مەن ساۋ­دا جونىندەگى ءبولىمىنىڭ ديرەكتورى بيلل تەرريۋس وزىق اۋىل شارۋاشىلىعى جابدىقتارىن جاساۋشىلار مەن ەكسپورتتاۋشى «Ag Growth», «Can Agro Exports», «Convey-A» كومپانيالارىنىڭ قىزمەت ۇسىنىمدارىن تانىستىردى. باقبەرگەن امالبەك, «ەگەمەن قازاقستان». اقمولا وبلىسى.