ەڭبەك ەتۋگە قۇقىلى

قىزىلوردا وڭىرىندە جۇ­مىسقا جارامدى 3316 مۇمكىندىگى شەك­تەۋلى جان بار. سونىڭ 593-ءى حالىقتى جۇمىسپەن قامتۋ ور­تا­لىقتارىنا «ەكى قولعا ءبىر كۇرەك» سۇراپ حابارلاسقان. ءوتىنىش بىلدىرگەندەردىڭ 172-ءسى تۇراقتى جۇمىسقا ورنالاسسا, 208-ءى قوعامدىق جۇمىستارعا, 43-ءى كاسىپتىك وقىتۋعا, 19-ى جاستار تاجىريبەسىنە, 38-ءى الەۋمەتتىك جۇمىس ورىندارىنا جىبەرىلىپتى. اقپاننان باستاپ مۇمكىندىگى شەكتەۋلى جاندارعا ارنالعان بوس ورىندار جارمەڭكەسى وتكىزىلە باس­تادى. العاشقىسى قىزىلوردا قالاسى مەن سىرداريا اۋدانىندا ۇيىمداستىرىلدى. 48 ادامعا تۇراقتى جۇمىسقا جولداما بەرىلدى. ون ەكى مۇشەسى تۇگەل ەمەس جانداردىڭ ماماندىعى جوق­تىعى دا جۇمىسقا ورنالاسۋلارىنا كەرى اسەر ەتۋدە. الداعى ۋاقىتتا بۇل ماسەلە دە باستى نازاردا بولادى. وبلىستا مۇمكىندىگى شەكتەۋلى بالالارعا قىزمەت كورسەتەتىن 17 ارنايى ءبىلىم بەرۋ ۇيىمدارى جۇمىس جاسايدى. «جول كارتاسى» اياسىندا قىزىلوردا قالاسىنداعى «سىر جۇلدىزى» بالاباقشاسى مەن №11 مەكتەپتە قۇلاعى ناشار ەستيتىن بالالارعا ين­كليۋ­زيۆتى توپ پەن سىنىپ اشىلاتىن بولادى. «ەگەمەن-اقپارات».