تاعايىنداۋ • 15 قاڭتار، 2022

اسحات حاسەنوۆ قر ەنەرگەتيكا ۆيتسە-ءمينيسترى بولىپ تاعايىندالدى

65 رەت كورسەتىلدى

قازاقستان رەسپۋبليكاسى ۇكىمەتىنىڭ قاۋلىسىمەن اسحات عالىم ۇلى حاسەنوۆ قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى، دەپ جازادى Egemen.kz.

اسحات حاسەنوۆ 1983 جىلى جامبىل وبلىسىندا دۇنيەگە كەلگەن. ق. ساتپاەۆ اتىنداعى قازاق ۇلتتىق تەحنيكالىق ۋنيۆەرسيتەتىن، حالىقارالىق بيزنەس ۋنيۆەرسيتەتىن تامامداعان. 

ەڭبەك جولىن 2005 جىلى «تورعاي پەترولەۋم» اق مۇناي جانە گاز ءوندىرۋ تسەحىنىڭ وپەراتورى بولىپ باستادى. 

2006-2010 جىلدارى - «مۇناي جانە گاز ونەركاسىبىنىڭ باس ديسپەتچەرلىك باسقارماسى» اق جەتەكشى مامانى، باس مامانى، كەن ورىندارىن ازىرلەۋ ءبولىمىنىڭ باسشىسى، دەپارتامەنت ديرەكتورىنىڭ ورىنباسارى، تەحنيكالىق رەتتەۋ دەپارتامەنتىنىڭ ديرەكتورى، ۆيتسە-پرەزيدەنتى. 

2010-2011 جىلدارى - يندۋستريا جانە جاڭا تەحنولوگيالار مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ مەملەكەتتىك باقىلاۋ مونيتورينگى جانە تالداۋ باسقارماسىنىڭ باس ساراپشىسى، باسشىسى. 

2011-2014 جىلدارى - قر مۇناي جانە گاز مينيسترلىگىنىڭ مۇناي-گاز كەشەنىندەگى مەملەكەتتىك ينسپەكتسيا كوميتەتىنىڭ مەملەكەتتىك ينسپەكتسيا جانە رۇقسات بەرۋ باسقارماسىنىڭ باسشىسى. 

2014-2019 جىلدارى - قر ەنەرگەتيكا مينيسترلىگىنىڭ مۇناي-گاز حيمياسى ونەركاسىبىن دامىتۋ جانە تەحنيكالىق رەتتەۋ دەپارتامەنتىنىڭ ديرەكتورى. 

2019 جىلدان باستاپ قازىرگى ۋاقىتقا دەيىن «قازمۇنايگاز» اق قۇرىلىمىندا جۇمىس ىستەدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار