قالا اكىمى «ورتالىق امبەباپ دۇكەن» ساۋدا ءۇيىن ارالاپ كوردى, مۇندا 576 ۆيترينا سورەسى قيراعان. سونداي-اق قازىرگى ۋاقىتتا جالعا الۋ اقىسىن بەرۋ توقتاتىلدى. قالا اكىمى تارتىپسىزدىك سالدارىنان كاسىپتەرى زارداپ شەككەن كاسىپكەرلەرمەن كەزدەستى.
كاسىپكەرلەرمەن كەزدەسۋ بارىسىندا باقىتجان ساعىنتاەۆ شاعىن جانە ورتا بيزنەستىڭ بارلىق شىعىندارى وتەلەتىنىن, ساۋدا زالدارى قالپىنا كەلتىرىلەتىنىن ايتتى. تەك ول ءۇشىن ۇكىمەت دايىنداپ جاتقان مەحانيزمنىڭ انىقتالۋىن كۇتۋ كەرەك.
زارداپ شەككەن كاسىپكەرلەردىڭ وتىنىشتەرىن ۋاقتىلى پىسىقتاۋ ءۇشىن پوليتسيا دەپارتامەنتىنە كاسىپكەرلەردىڭ وتىنىشتەرىن قابىلداۋدى ۇيىمداستىرۋدى تاپسىردى.
وسى ورايدا «اتامەكەن» ۇكپ كونسۋلتاتيۆتىك كومەك كورسەتۋدە. باقىتجان ساعىنتاەۆ سونداي-اق, «موبيلكا», «پلانەتا ەلەكترونيكي» ساۋدا ۇيلەرىن, «قورعان» قارۋ-جاراق دۇكەنىن, «سولومون» سپورت تاۋارلارى دۇكەنىن جانە ق.ساتباەۆ كوشەسىندەگى قوعامدىق تاماقتانۋ نىساندارىن ارالادى. بارلىق دەرلىك نىسانداردا ب ۇلىكشىلەر بەينەباقىلاۋ جۇيەلەرىن ادەيى ىستەن شىعارعان.
توناۋشىلار ەڭ قۇندى زاتتاردى الىپ كەتكەن نىسانداردى ورتەگەن, ال جوعارىدا تۇراتىن پاتەر يەلەرى ءورتتى سوندىرۋگە كومەكتەسكەن.
