الماتى قالاسىنداعى اۋەزوۆ اۋدانىنىڭ پوليتسيا قىزمەتكەرلەرى جاپپاي تارتىپسىزدىكتەرگە جانە باسقا دا زاڭسىز ارەكەتتەرگە بەلسەندى قاتىسقان, سونىمەن قاتار, ءىرى قارۋ دۇكەنىن توناپ, ودان 10 پاترونى بار BrowntnG مىلتىعىن ۇرلاعان ادامدى انىقتادى.
«قاسكوي مىلتىقتى بەسىنشى ىقشاماۋدانداعى اۋلالاردىڭ بىرىندە ورنالاسقان قوقىس جاشىگىنە تىعىپ قويۋدى ۇيعارعان. بىرنەشە كۇننەن كەيىن كۇدىكتى تاكسيگە وتىرىپ مىلتىق جاسىرىلعان جەرگە كەلگەن. كولىك جۇرگىزۋشىسى جولاۋشىنىڭ تەلەديدار جاشىگىنە جاسىرىپ قارۋ الىپ جۇرگەنىن بايقاپ, پوليتسياعا حابارلاعان», دەپ جازدى الماتى پد ءباسپاسوز قىزمەتى.
تۇتقىنداۋ كەزىندە ي. ەسىمدى ازامات اسكەري كيىمدە بولعان. ونى قايدان العانىن تەرگەۋ انىقتايتىن بولادى.
قازىرگى ۋاقىتتا اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. ۇستالعان ازامات ۋاقىتشا ۇستاۋ يزولياتورىنا قامالدى.
