جىل باسىندا الماتىدا بولعان ب ۇلىك كەزىندە عيماراتقا ۇلكەن زالال كەلىپ, 16 مىڭعا جۋىق بەينەتاسپا جيناقتالعان «التىن قوردىڭ» جەراستى قويمالارى مەن تسيفرلانعان ۆيدەوماتەريالدار ساقتالعان سەرۆەرلەر بولمەسىن ءورت شالعان ەدى.
بۇل سەرۆەردە وسى كۇنگە دەيىن تسيفرلانعان بەينەماتەريالداردىڭ ءبىر بولىگى ساقتالعان (باسىم بولىگى نۇر-سۇلتان قالاسىندا). بۇعان قوسا, ءورت ءسوندىرۋ كەزىندە قويمالاردى سۋ باسقان.
«ورتەنگەن سەرۆەردىڭ جادى جانە كاسسەتالار مەن پلەنكالاردىڭ جارامدىلىعى تولىق تەحنيكالىق تەكسەرىستەن سوڭ ايقىندالادى. سەبەبى قازىرگى كەزدە قاۋىپتىلىگىنە بايلانىستى عيماراتقا كىرۋگە مۇمكىندىك جوق. «التىن قوردىڭ» ۆيدەوماتەريالدارى تۋرالى مالىمەت تەكسەرۋ ناتيجەسىنەن كەيىن قايتا حابارلانادى», دەدى «قازاقستان» رترك باسقارما توراعاسىنىڭ ورىنباسارى ماقپال جۇماباي.
ەسكە سالا كەتەيىك, كورپوراتسيا تسيفرلاندىرۋ بويىنشا كەشەندى جۇمىستاردىڭ جالعاسى رەتىندە وتكەن جىلدىڭ سوڭىندا «التىن قور» جاۋھارلارىن كوپشىلىككە تانىستىرىپ, كەز كەلگەن ەلدەن ەركىن كورۋگە مۇمكىندىك بەرەتىن https://altynqor.com/ ارنايى پورتالىن اشتى.
قازىر مۇندا 1500-گە جۋىق ۆيدەو, 700 اۋديوماتەريال بار.
