ونەر • 14 قاڭتار، 2022

حالىق ءومىرىنىڭ پانوراماسىن جاساعان سۋرەتشى

147 رەت كورسەتىلدى

ەگەر كەسكىندەمە مەن گرافيكا ونەرى تۋرالى ايتار بولساق، وندا قازاقستانداعى سۋرەت ونەرىنىڭ كاسىبي مەكتەبى حح عاسىردىڭ 20-شى جىلدارى قۇرىلدى، ال ونىڭ قاينار باستاۋىندا قازاقستاننىڭ حالىق سۋرەتشىسى ءابىلحان قاستەەۆ تۇرادى. بۇگىن قازاقستاننىڭ حالىق سۋرەتشىسىنىڭ تۋعان كۇنى، دەپ جازادى Egemen.kz

سۋرەتشى ادام جانىن، ونىڭ شاتتىعى مەن مۇڭىن، قۋانىشى مەن ءسۇيىنىشىن، ىشكى وي ارپالىسىن تەرەڭنەن تۇسىنە بىلگەن جانە اينالاداعى تابيعات قۇبىلىستارىمەن ادام كوڭىل-كۇيىن شەندەستىرە وتىرىپ، ءوز شىعارمالارى ارقىلى سولاردى كوپشىلىككە شەبەر جەتكىزە بىلەدى.

 

01 

 

"مەن سۋرەت سالۋدى تاۋدىڭ بۇلاعىنان، قويدىڭ قۇلاعىنان، ەشكىنىڭ مۇيىزىنەن، انامنىڭ ويۋىنان ۇيرەندىم"

ءابىلحان قاستەەۆ

 

ءا.قاستەەۆ — قازاق مادەنيەتىنىڭ تانىم تاريحى. ول — رۋحاني تاريحتىڭ قۇرامىنداعى وزىنشە جەكە وزەك سەكىلدى. ول — ءوز داۋىرىندەگى وزىنە عانا ءتان جولمەن، وزىنە عانا ءتان دارا ونەرمەن قازاق مادەنيەتىن جاڭا كەزەڭگە كوتەرگەن حاس شەبەر. شەبەردىڭ ونەرى ورتاق بولعانىمەن، سىرى قۇپيا. 

 

02 

 

ۇلى سۋرەتكەردىڭ ءاربىر شىعارماسى – ءبىر الەم. سۋرەتشى ءا.قاستەەۆ حالىق ءومىرىنىڭ پانوراماسىن بەينەلەيتىن تاريحي شىعارمالارىنىڭ ءبىرتۋار تالانتى. 

 

ونىڭ قالامىنان تۋعان تاريحي ادامداردىڭ جيۆوپيستىك پورترەتتەرى نەمەسە تۇركىسىب تەمىر جولىنا قاتىستى، جەتىسۋ تابيعاتىنىڭ ەڭ ءبىر سۇلۋ كوركەم جەرلەرىنىڭ سۋرەتتەرى ادامعا ەستەتيكالىق اسەر بەرۋمەن قاتار، تاريحىن دا كوركەمدىكپەن كوركەيتىپ جاتادى.

 

03

 

ءا.قاستەەۆ كوشپەندىلەردىڭ ءومىرىن عاجاپ كەستەلەي بىلگەن. وسى ورايدا اسىرەسە ءتورت ت ۇلىك بەينەلەرىن ءوز ىرعاعىمەن، تۇرسيپاتىمەن اسەم كەلىستىردى. ءا.قاستەەۆ كەرەمەتى – حالىقتىعىندا، ومىرشەڭدىگىندە، جاسامپازدىعىندا.

 

قازاق ونەرىنە ەڭبەگى سىڭگەن ءابىلحان قاستەەۆ ۇزاققا سوزىلعان اۋىر ناۋقاستان كەيىن 1973 جىلى 2 قاراشادا قايتىس بولادى. ونىڭ جوعارى يدەيالىققا، تەرەڭ حالىقتىق جانە ءومىر شىندىعىنا تولى ونەرى حالىققا كەڭىنەن تانىلىپ، سۇيىسپەنشىلىككە بولەندى.

 

04 

 

ءا.قاستەەۆ – بۇگىنگى تاڭدا دا ءبىزدىڭ زامانداسىمىز. بۇكىل جان-تانىمەن ارقاشان حالىقپەن بىرگە بولعان ول ونىڭ ەڭ تاڭداۋلى قادىر-قاسيەتىن بويىنا ءسىڭىرىپ، سول ارقىلى بولمىس پەن ۋاقىت شىندىعىن زامانداستارى مەن كەلەر ۇرپاققا بايانداپ بەردى. حالىقپەن وسى ەتەنە جاقىندىعىنىڭ ناتيجەسىندە ونىڭ ءومىرى مەن ونەرى ماڭگى جاسارعان كۇيى كوز الدىمىزدا تۇرا بەرمەك.

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار