قازاقستان • 14 قاڭتار، 2022

بيىل ۇەۇ-عا 50-دەن استام گرانت بولىنەدى

47 رەت كورسەتىلدى

ازاماتتىق باستامالاردى قولداۋ ورتالىعى قر اقپارات جانە قوعامدىق دامۋ مينيسترلىگىنىڭ تاپسىرىسىمەن 2022 جىلعا ارنالعان ۇەۇ-عا 53 تاقىرىپ بويىنشا مەملەكەتتىك گرانتتار ۇسىنۋ جونىندەگى كونكۋرس جاريالادى، دەپ حابارلايدى Egemen.kz.

مەملەكەتتىك گرانتتىق جوبالار ادام، بالالار قۇقىقتارىن قورعاۋ، گەندەرلىك تەڭدىكتى دامىتۋ، ءبىلىم بەرۋ، دەنساۋلىق ساقتاۋ، قورشاعان ورتا جانە ۇلتتىق بىرلىكتى ىلگەرىلەتۋ سياقتى قوعامنىڭ الەۋمەتتىك، مادەني سالالارىنىڭ 12 باعىتىن قامتيدى.

قازىرگى ۋاقىتتا ازاماتتىق باستامالاردى قولداۋ ورتالىعى ۇكىمەتتىك ەمەس ۇيىمداردان وتىنىشتەردى قابىلداپ جاتىر. قۇجاتتاردى قابىلداۋ 2022 جىلدىڭ 7 اقپانىنا دەيىن جالعاسادى.

«وتكەن جىلدارداعىداي ءبىز شاعىن گرانتتار، ادىستەمەلىك، تالدامالىق، ۇيىمداستىرۋشىلىق كومەك سياقتى قۇرالدار ارقىلى ۇەۇ-عا، ازاماتتىق باستامالارعا جان-جاقتى جانە كوپبەيىندى قولداۋ كورسەتۋگە باعىتتالعان جۇمىستى جالعاستىراتىن بولامىز.

ەڭ باستىسى، ورتالىق مەملەكەتتىك جانە مەملەكەتتىك ەمەس قاراجاتپەن جۇمىس ىستەي وتىرىپ، گرانتتاردى ىسكە اسىرۋدىڭ اشىقتىعى مەن ەسەپتىلىگىنە باسىم نازار اۋداراتىن بولادى»، دەپ مالىمدەدى ازاماتتىق باستامالاردى قولداۋ ورتالىعى باسقارماسىنىڭ ءتورايىمى ليما دياس.

مەملەكەتتىك گرانتتاردى ۇسىنۋ كونكۋرسىنا قاۋقارسىز دەپ تانىلعان (بانكروت)، مۇلكى قاماۋعا الىنىپ، قارجىلىق ارەكەتى توقتاتىلعان، تاراۋ ۇدەرىسىندە تۇرعان ۇەۇ-دان وزگە، گرانتتاردى الۋ ءۇشىن ءوتىنىم جاساعان، ۇەۇ-دىڭ مالىمەتتەر بازاسىندا مالىمەتتەرى بار جانە كونكۋرسقا قاتىسۋعا قاعيدالارمەن بەكىتىلگەن تالاپتارعا سايكەس كەلەتىن ءوتىنىم ۇسىنعان ۇەۇ قاتىسا الادى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار