قاۋلىنىڭ بۇرىنعى نۇسقاسىنان ايىرماشىلىعى - پيلوتسىز ۇشاتىن اپپاراتتىڭ قوزعالىسى كەزىندە ساقتالاتىن اراقاشىقتىققا قويىلاتىن تالاپتار وزگەرگەن.
«82-2-تارماق مىناداي رەداكتسيادا جازىلسىن», دەلىنگەن قاۋلىدا.
سونىمەن پيلوتسىز ۇشاتىن اپپاراتتارىنىڭ ۇشۋى:
1) G سىنىبىنداعى اۋە كەڭىستىگى شەكاراسى شەگىندە مەتەورولوگيالىق مينيمۋمدى ساقتاۋ (كولدەنەڭىنەن كەمىندە 1500 مەتر كورىنۋ جانە تىگىنەن كەمىندە 300 مەتر بۇلتتىڭ تومەنگى شەكاراسى) شارتىمەن;
2) باقىلاناتىن اۋە كەڭىستىگىندە اۋە قوزعالىسىن باسقارۋ ورتالىقتارىنىڭ قىسقا مەرزىمدى شەكتەۋلەردى ەنگىزۋ شارتىمەن ورىندالادى. قىسقا مەرزىمدى شەكتەۋلەر 50 مەتر بيىكتىككە دەيىن جەر بەدەرىنەن سوزىلىپ جاتقان اۋە كەڭىستىگىندە پيلوتسىز ۇشۋ اپپاراتتارىنىڭ ۇشۋىن قامتاماسىز ەتۋ ءۇشىن بەلگىلەنبەيدى;
3) ديسپەتچەرلىك ايماقتا – جاۋاپكەرشىلىك ايماعىندا وسىنداي اۋەايلاق ورنالاسقان جانە اۋە قوزعالىسىن باسقارۋ ورتالىعى قىسقا مەرزىمدى شەكتەۋ ەنگىزگەن جاعدايدا, اۋە قوزعالىسىنا قىزمەت كورسەتۋ ورگانىمەن كەلىسىلگەننەن كەيىن بارلىق بيىكتىكتە ورىندالاتىن پيلوتسىز ۇشۋ اپپاراتتارىنىڭ اۆياتسيالىق جۇمىستاردى جانە دەمونستراتسيالىق ۇشۋدى ورىنداۋىن (اەروشوۋ) قوسپاعاندا, جەر بەتىنەن 50 مەتر بيىكتىككە دەيىن جايىلعان جانە اۋەايلاق قورشاۋىنان نەمەسە شەكارانى كورسەتەتىن تاڭبالانعان بەلگىلەردەن 5,5 كم الىس ورنالاسقان اۋە كەڭىستىگىندە ورىندالادى.
قاۋلىنىڭ بۇرىنعى رەداكتسياسىنداعى 82-3, 82-4 جانە 82-5-تارماقتار الىنىپ تاستالاتىنى دا ايتىلعان. بۇل تارماقتاردا پيلوتسىز ۇشاتىن اپپاراتتى قولدانۋ كەزىندە ونى تىزگىندەگەن تۇلعانىڭ باسقا ادامداردان قانشا ارالىق ساقتاۋ قاجەتتىگى كورسەتىلگەن بولاتىن.
