● ەلىمىزدە زەينەتاقىنى كوبەيتۋگە 40 ملرد. تەڭگە جۇمسالادى. بۇل 1 ساۋىردەن باستاپ 1,9 ملن. ادام زەينەتاقىسىنىڭ 12 پايىزعا ارتۋىنا مۇمكىندىك بەرەدى. ەڭبەك جانە الەۋمەتتىك قورعاۋ ءمينيسترى تامارا دۇيسەنوۆانىڭ ايتۋىنشا, جەكەلەگەن ساناتتارداعى ارناۋلى مەملەكەتتىك جاردەماقىلار مەن سەمەي پوليگونىندا زارداپ شەككەندەرگە بىرجولعى اقشالاي وتەماقى دا وسىنشا مولشەرگە ۇلعايادى.
● قازاقستان مەن جاپونيا اراسىندا تىكەلەي اۋە قاتىناسى اشىلۋى مۇمكىن. مۇنى سىرتقى ىستەر ءمينيسترى ەرلان ىدىرىسوۆ جاپونيا سىرتقى ىستەر ءمينيسترىنىڭ ورىنباسارى سينسۋكە سۋگيامامەن كەزدەسۋدەن كەيىن مالىمدەدى.
● ەرتىس وزەنىنىڭ وسكەمەن قالاسىنداعى جىبەك ماتالار شاعىن اۋدانى تۇسىنداعى ارناسىنا سالىنعان كوپىر كۇردەلى جوندەۋدەن وتكىزىلەدى. بۇل ءۇشىن قالا بيۋدجەتىنەن 6 ملن. تەڭگە قارجى ءبولىنىپ وتىر.
● ال قىزىلوردادا سىرداريا وزەنىنىڭ ۇستىنە 6 ملرد. تەڭگەگە تاعى ءبىر كوپىر سالىنادى. قالا اكىمى نۇرلىبەك نالىباەۆتىڭ ايتۋىنشا, بۇل سىر بويىنداعى باس شاھاردىڭ داريانىڭ ەكى جاعالاۋىنا ءبولىنىپ ورنالاسۋىنىڭ باسى بولماق.
● اتىراۋ كاسىپكەرلەرى رەسەي نارىعىنا شىعا باستادى. كەدەندىك وداق اياسىندا ءتۇرلى شەكارالىق راسىمدەۋلەردىڭ الىنىپ تاستالۋى ەكى ەل كاسىپكەرلەرىنە ءتيىمدى بولىپ وتىر. ءبىر عانا استراحان وبلىسىنىڭ وزىندە قازاقستاندىق ينۆەستيتسيامەن 20-عا جۋىق كومپانيا جەمىستى ەڭبەك ەتىپ جاتىر.
● قاراعاندىدا زاڭسىز تەكسەرىستەرگە قارسى شتاب قۇرىلدى. كاسىپكەرلەر بۇل جاڭاشىلدىقتى قاداعالاۋشى ورگاندار وكىلدەرىمەن كەزدەسۋدە ءبىلدى. باستاما كوتەرگەن پروكۋرورلار قالاداعى ساۋدا ۇيلەرىنىڭ بىرىندە جىلجىمالى كەڭەس ورتالىعىن ۇيىمداستىردى.
● وڭتۇستىك قازاقستان وبلىسىنىڭ تولە بي اۋدانىنداعى قاسقاسۋ شاتقالىندا بيىل تاۋ شاڭعىسى كۋرورتىنىڭ قۇرىلىسى باستالادى. بۇل جاڭالىق وبلىس اكىمى اسقار مىرزاحمەتوۆتىڭ سوچي وليمپياداسىنا قاتىسقان فريستايلشىلاردى قابىلداۋى كەزىندە ايتىلدى. كەزدەسۋ سوڭىندا ايماق باسشىسى سپورتشىلار مەن ولاردىڭ جاتتىقتىرۋشىسىنا اقشالاي سىيلىق تاپسىرسا, قالا اكىمى دارحان ساتىبالدى وليمپيادادا جاقسى ونەر كورسەتكەن جانبوتا الدابەرگەنوۆاعا «Daewoo Matiz» اۆتوكولىگىنىڭ كىلتىن تابىس ەتتى.
● قوستانايدا سپورت-ساۋىقتىرۋ كەشەنى اشىلدى. وسىلايشا سوڭعى 4 جىلدا وبلىس ورتالىعىندا ءتورتىنشى نىسان قاتارعا قوسىلدى. ونى سالۋعا 750 ملن. تەڭگە جۇمسالعان. عيماراتتىڭ جالپى اۋماعى 4250 شارشى مەتردى قۇرايدى.
BNews.kz, Nur,kz, Egemen.kz
حابارلارى بويىنشا دايىندالدى.
سوڭعى جاڭالىقتار
استانادا مەكتەپ اۋماعىندا جانجالداسقاندار جاۋاپكەرشىلىككە تارتىلدى
زاڭ مەن ءتارتىپ • كەشە
تاەكۆوندودان الەم چەمپيوناتى: قازاق قىزى توپ جاردى
سپورت • كەشە
قۇس ساڭعىرىعىنان «جاسىل» ەنەرگيا ءوندىرىلدى
شارۋاشىلىق • كەشە
الماتىدا تۇرعىن ءۇي ورتىنەن ءتورت ادام قۇتقارىلدى
وقيعا • كەشە
