سقو دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, بۇگىن وبلىستىق پەريناتالدىق ورتالىقتا ەگىز بالا دۇنيەگە كەلدى. مەرزىمىنەن بۇرىن تۋعانىمەن شاقالاقتاردىڭ دا, اناسىنىڭ دا جاعدايى جاقسى.
جالپى بيىل 4 قاڭتاردان باستاپ وبلىستا وسىمەن بەسىنشى ەگىز دۇنيەگە كەلىپ وتىر. قالعان جاعدايلاردا جۇكتى كەلىنشەكتەر ايى-كۇنى جەتىپ, ومىرگە دەنى ساۋ نارەستەلەرىن اكەلدى.
«بالا تۋ كورسەتكىشى تومەن وڭىرلەردىڭ ءبىرى سانالاتىن ءبىزدىڭ وبلىس ءۇشىن بۇل – قۋانىشتى جاعداي. دەموگرافيامىز جاقسارادى. 2020 جىلى ومىرگە 68 ەگىز, 1 ۇشەم كەلگەن. بىلتىر 58 ەگىز جانە ءبىر ۇشەم تۋدى. بيىل بۇگىنگە دەيىن 143 ءسابي دۇنيە ەسىگىن اشسا, سونىڭ ونى ەگىز. انالاردىڭ دا, بالالارىنىڭ دا جاعدايلارى جاقسى, الدى ۇيلەرىنە شىعارىلدى», دەيدى سقو دەنساۋلىق ساقتاۋ باسقارماسىنىڭ ءباسپاسوز حاتشىسى گۇلنار قاليەۆا.
