ازىق-ت ۇلىك ينفلياتسياسىن تەجەۋ جانە الەۋمەتتىك ماڭىزى بار ازىق-ت ۇلىك تاۋارلارىنىڭ باعالارىن مەملەكەتتىك رەتتەۋ شارالارىن كۇشەيتۋ شەڭبەرىندە جەرگىلىكتى اتقارۋشى ورگاندارمەن بىرلەسىپ, ازىق-ت ۇلىك تاۋارلارىنىڭ نەگىزگى تۇرلەرىنىڭ ناقتى جانە باعالىق قولجەتىمدىلىگىن قامتاماسىز ەتۋ بويىنشا شارالار قابىلدانۋدا.
اۋىل شارۋاشىلىعى مينيسترلىگىمەن بىرلەسىپ, تاۋارلاردى ءوندىرۋ, تۇتىنۋ جانە قايتا ءبولۋ تەڭگەرىمدەرىنىڭ تولىق مونيتورينگى قامتاماسىز ەتىلەتىن بولادى.
سونداي-اق, ورتالىق ازيا ەلدەرىمەن ءوزارا ءىس-قيمىل شەڭبەرىندە ازىق-ت ۇلىك تاۋارلارىنىڭ يمپورتتىق جەتكىزىلىمدەرىن تارتۋ بويىنشا شارالار قابىلدانۋدا. قاجەت بولعان جاعدايدا ەكسپورتتىق شەكتەۋ جونىندەگى شارالار ۋاقتىلى قابىلداناتىن بولادى. مال مەن كوكونىس ەكسپورتىنا تىيىم سالىندى. كاسىپكەرلىك كودەكستە شەكتى جانە شەكتى باعالاردى قولدانۋ قۇرالدارى كوزدەلگەن.
ساۋدا كوميتەتىنىڭ قىزمەتىن فۋنكتسيونالدىق كۇشەيتۋگە بايلانىستى شۇعىل زاڭنامالىق باستامالار دايىندالاتىن بولادى. ۇكىمەتتىڭ ەكونوميكالىق ساياساتى, ەڭ الدىمەن, حالىقتىڭ ءال-اۋقاتىن جاقسارتۋعا جانە ءومىر ءسۇرۋ ساپاسىن ارتتىرۋعا باعىتتالاتىن بولادى.
بۇدان بىلاي بيۋدجەت جانە فيسكالدىق ساياسات تەڭدەستىرىلگەن جانە اشىق بولادى. سالىقتىق-كەدەندىك اكىمشىلەندىرۋدىڭ باتىل شارالارى قوسىمشا تابىس كوزدەرىن قامتاماسىز ەتەدى. جەكە سەكتوردى ەكونوميكالىق ءوسۋ درايۆەرى رەتىندە دامىتۋ ماقساتىندا باسەكەلەستىكتى دامىتۋ ارقىلى شاعىن جانە ورتا بيزنەستى كۇشەيتۋگە باسا نازار اۋدارىلاتىن بولادى. شاعىن كاسىپورىندارعا مەملەكەتتىك قولداۋ شارالارىنىڭ تيىمدىلىگى مەن اشىقتىعى ارتتىرىلاتىن بولادى. جەكەشەلەندىرۋ جانە باسەكەلەس ورتاعا بەرۋ ارقىلى مەملەكەتتىڭ ەكونوميكاداعى ۇلەسى قىسقارتىلىپ, مەملەكەتتىك اكتيۆتەردى باسقارۋ تاسىلدەرى قايتا قارالادى.
