كوروناۆيرۋس • 12 قاڭتار، 2022

ەلوردادا كينوتەاترلار مەن تەاترلار قايتا جابىلادى

ەلوردانىڭ باس سانيتارلىق دارىگەرى سارحات بەيسەنوۆا قالادا ەنگىزىلەتىن شەكتەۋلەر تۋرالى جاڭا قاۋلىعا قول قويدى. بۇل تۋرالى ەلوردا اكىمدىگىندە وتكەن بريفينگتە ايتىلدى، دەپ حابارلايدى Egemen.kz.

بوتاكوز باقبەرگەن

«وزدەرىڭىز بىلەتىندەي، ەلوردادا «وميكرون» شتاممىن جۇقتىرۋ دەرەكتەرى انىقتالدى. قولايسىز ەپيدەميولوگيالىق جاعداي قالا تۇرعىندارىنىڭ ماسكا تاعۋ رەجيمىن، الەۋمەتتىك قاشىقتىقتى ساقتاماۋىمەن، ۆاكتسيناتسيانى ەسكەرمەۋىمەن بايلانىستى، بۇل قالا اۋماعىندا «وميكرون» كونتاگيوزدى شتاممىنىڭ تەز تارالۋىنا ىقپال ەتەدى جانە شەكتەۋ جانە كارانتين شارالارىن قاتاڭداتۋدى تالاپ ەتتى»، دەپ ءتۇسىندىردى ەلوردانىڭ باس سانيتارلىق دارىگەرى.

وسىلايشا، بۇگىننەن باستاپ، نۇر-سۇلتان قالاسىنىڭ باس مەملەكەتتىك سانيتارلىق دارىگەرى قول قويعان قاۋلىعا سايكەس، قر باس سانيتارلىق دارىگەرىنىڭ «قىزىل ايماق» بويىنشا قاۋلىسىنا سايكەس شەكتەۋلەردەن باسقا، ەلوردادا تىيىم سالىنعان:

Ashyq جوباسىنا قاتىسۋشى وبەكتىلەردە 30 ادامعا دەيىن اس بەرۋدى قوسپاعاندا، اشىق اۋادا دا، ءۇي ىشىندە دە، وتباسىلىق، ەستەلىك ءىس-شارالاردى قوسا العاندا، بۇقارالىق ءىس-شارالاردى وتكىزۋگە;
Ashyq جوباسىنا قاتىسقانىنا قاراماستان، فيلارمونيالاردىڭ، تەاترلاردىڭ، كونتسەرت زالدارىنىڭ، تسيركتەردىڭ، كينوتەاترلاردىڭ; ءدىني بىرلەستىكتەر: مەشىتتەر، شىركەۋلەر، سوبورلار، سيناگوگالار وبەكتىلەرىندە جانە اۋماعىندا ۇجىمدىق ءىس-شارالار وتكىزۋ.

سونداي-اق، قوعامدىق تاماقتانۋ وبەكتىلەرىندە كونفەرەنتسيالار، كورمەلەر، سەمينارلار، فورۋمدار وتكىزۋگە، تۇنگى كلۋبتاردىڭ قىزمەتىنە، كاراوكە، بارلارعا قىزمەت كورسەتۋگە تىيىم سالىندى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز