«وسى ۋاقىتقا دەيىن جەڭىلىستىڭ كەرمەك ءدامىن تاتپاعان دەمەتريۋس اندرادە ءۇشىن قازاق وعلانى ەڭ قاۋىپتى قارسىلاس ەكەنى داۋسىز. دەمەتريۋس 14 جىل بويى جالعاسىپ كەلە جاتقان كاسىبي مانسابىندا مۇنداي قاۋىپتى قارسىلاسپەن قولعاپ ءتۇيىستىرىپ كورگەن ەمەس. اندرادە ءۇشىن ءدال قازىر جانىبەكتەن گورى گەننادي گولوۆكين, ساۋل الۆارەس, دجەرمالل چارلو سەكىلدى اتى ءمالىم بوكسشىلارمەن قولعاپ تۇيىستىرگەن ءجون. ەگەر ول جانىبەك ءالىمحان ۇلىنا ەسە جىبەرسە, جوعارىدا اتتارى اتالعان چەمپيوندارمەن شايقاس تۋرالى ارمانداماي-اق قويۋىنا بولادى. ال جانىبەك دەمەتريۋستى جەڭە الاتىن الەۋەتكە يە. سوندىقتان اندرادە ەكىنشى ورتا سالماققا اۋىسقانى دۇرىس», دەدى ول ءوز ويىمەن ءبولىسىپ.
ەستەرىڭىزگە سالا كەتەيىك, WBO تۇجىرىمى بويىنشا الەم چەمپيونى دەمەتريۋس اندرادەنىڭ مىندەتتى قارسىلاسى سانالاتىن جانىبەك ءالىمحان ۇلى بۇعان دەيىن بىرنەشە مارتە شايقاسقا دايىن ەكەنىن ايتىپ, مالىمدەمە جاساعان بولاتىن.
