وڭىردە ىندەت باستالعالى 40 249 ادامعا «كوروناۆيرۋس» دياگنوزى قويىلعان. ونىڭ ىشىندە 26 022 ناۋقاستان اۋرۋ سيمپتومدارى انىق بايقالعان. ال سوڭعى تاۋلىكتە باتىس قازاقستان وبلىسىندا 24 جاڭا جۇقتىرۋ جاعدايى تىركەلدى. كۆي Rt رەپرودۋكتيۆتى سانى – 2,25.
ساراپتاماعا قاراساق, وڭىردە 2020 جىلى - 9 221 جاعداي, 2021 جىلى – 30 849 جاعداي تىركەلگەن. ال 2022 جىلدىڭ 1 قاڭتارىنان بەرى 179 ادام ۆيرۋس جۇقتىرعانى حاتتالدى. سوڭعى اۋىرعانداردىڭ 113-ءنىڭ سىرقاتى – سيمپتومدىق, 66-سى – سيمپتومسىز بايقالعان. اۋىرىپ جاتقانداردىڭ ەكەۋى – كامەلەتكە تولماعان. وكىنىشتىسى, جاڭا جىلدان بەرى, دالىرەك ايتساق سوڭعى اپتادا ءۇش ادام وسى دەرتتەن قايتىس بولدى.
وبلىس اۋماعىندا COVID-19 دياگنوستيكاسى بويىنشا 14 زەرتحانا بار. سوڭعى تاۋلىكتە 322 زەرتتەۋ جۇرگىزىلگەن.
وبلىستا COVID-19 جۇقتىرعان ناۋقاستار 9 ينفەكتسيالىق ستاتسيوناردا ەم الىپ جاتىر. ونىڭ ىشىندە 6 ناۋقاستىڭ جاعدايى اۋىر, ونىڭ ۇشەۋى – نيۆل اپپاراتىنا, 3 ادام – وتتەگىگە قوسىلعان. بقو سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى مۇحامعالي ارىسپاەۆتىڭ ايتۋىنشا, ينفەكتسيالىق توسەك تولىمدىلىعى – 11,3%-دى عانا قۇرايدى. ياعني, قاۋىپتى ۆيرۋس جۇقتىرعان ناۋقاستاردى دەر كەزىندە اۋرۋحاناعا جاتقىزىپ, ءتيىستى ەم-دوم كورسەتۋگە ەش كەدەرگى جوق. قازىرگى قىزمەت ەتىپ تۇرعان 504 ستاتسيونارلىق ورىننان باسقا, 2 184 (1309 ينفەكتسيالىق, 875 كارانتيندىك) توسەك-ورىن رەزەرۆى جاسالعان.
كۆي-عا قارسى ۆاكتسيناتسيا جۇرگىزۋ بارىسىنا توقتالساق, بۇگىنگە دەيىن 257 115 ادام ەكپەنىڭ العاشقى كومپونەنتىن العان. ءىى كومپونەنتىن تولىق العان تۇرعىنداردىڭ سانى – 244 140 ادام. بۇل وڭىردەگى ءتيىستى حالىقتىڭ 58,9%-ى.
تۇرعىنداردىڭ باسىم كوپشىلىگى, ياعني 183 361 ادام – «سپۋتنيك V», 19 896 ادام – «QazVac», 24 998 ادام – «Hayat-Vax», 7 728 ادام – «Corona-Vac», 21 132 ادام – «Vero Cell» ەكپەسىن تاڭداعان ەكەن. ال Pfizer كومپانياسىنىڭ «كوميرناتي» ۆاكتسيناسىن 5 770 ادام الدى, ونىڭ ىشىندە جۇكتى ايەلدەر – 195, بالا ەمىزەتىن ايەلدەر – 2 467 جانە جاسوسپىرىمدەر – 3 108. رەۆاكتسيناتسيادان 20 730 ادام وتكەن.
مۇحامعالي ارىسپاەۆ وڭىردەگى ەپيدەميولوگيالىق احۋالدى قاتاڭ باقىلاۋعا الىپ, ەگەر جاعداي تۇزەلمەسە, شەكتەۋ شارالارىن كۇشەيتەتىنىن حابارلادى.
