جاۋمەن جاعالاسۋ كەزىندە جارالاندى. «جانى – ارىنىڭ ساداعاسى». قازا تاپقان قوس ارىپتەسىمىزدى, بولاشاق وفيتسەر اتانۋعا ءتيىس بولعان ءۇش شەكاراشى كۋرسانتتى جەر قوينىنا ارۋلاپ تاپسىردىق. وكىنىشتى. وتانىنا بەرگەن انتتارىنا ادالدىق تانىتقان قارۋلاستارىمىزدىڭ ەڭ كىشىسى نەبارى 19 جاستا بولاتىن...
جارالانعان اسكەري قىزمەتشىلەر قازىرگى كەزدە قر ۇقك الماتى قالاسىندا ەمحاناسى بار وڭىرلىك اسكەري گوسپيتالىندە ەم قابىلداپ جاتىر. دارىگەرلەردىڭ ايتۋىنشا, جارالانعانداردىڭ اراسىندا جاعدايى تۇراقتى اۋىرلارى دا بار.
– الماتى قالاسىنىڭ ىشىندە دۇربەلەڭ باستالعان ساتتە ءبىز ءوزىمىزدىڭ الداعى قىزمەتىمىزگە تاس-ءتۇيىن دايىن بولدىق, – دەيدى اتالعان اسكەري گوسپيتالدىڭ باستىعى ۇ.ق. پودپولكوۆنيگى ءانۋار احمەتجان بىزبەن سۇحباتىندا. العاشقى كۇنى-اق 80-گە تارتا جارالى اسكەري قىزمەتشىلەردى قابىلداپ, بىردەن مەديتسينالىق كومەك كورسەتۋگە كىرىستىك. ولاردىڭ ىشىندە كوبىنەسە ۇقك شەكارا اكادەمياسىنىڭ كۋرسانتتارى, سونداي-اق ىشكى ىستەر جانە قورعانىس مينيسترلىگىنىڭ اسكەري قىزمەتشىلەرى بولدى.
كەلەسى كۇنى دە قارۋلى قاقتىعىس كەزىندە وق ءتيىپ, جارالانعاندار لەگى از بولعان جوق. شۇعىل وتا جاسالىپ, ومىرلەرىن ساقتاپ قالا الدىق.
بارلىعى 120-عا تارتا جارالى كەلىپ تۇسكەن بولاتىن. ولاردىڭ 80-نەن استامى شەكاراشىلار.
بۇگىنگى تاڭدا ءتۇرلى دەنە جاراقاتىن العان 75 اسكەري قىزمەتشى دارىگەرلەردىڭ ءجىتى قاداعالاۋىندا. قالعاندارى امبۋلاتوريالىق ەمدەرىن ۇيلەرىندە جالعاستىرادى.
قاجەتتى ءدارى-دارمەكتەر جەتكىلىكتى.
بۇگىندە اسكەري گوسپيتالدىڭ ءاربىر شارشى مەترى ۇقك شەكارا اكادەمياسىنىڭ قورعاۋىندا.
ءانۋار دۋلاتى ۇلىمەن بولعان سۇحباتتان كەيىن شەكاراشى ارداگەرلەردىڭ «زاستاۆا تارلاندارى» رەسپۋبليكالىق قوعامدىق بىرلەستىگىنىڭ الماتى قالالىق جانە وبلىستىق فيليالدارى العىس, قۇرمەت كورسەتۋ ماقساتىندا ۇيىمداستىرعان شاراعا قاتىستىق.
اتاپ ايتار بولساق, زاپاستاعى گەنەرال-مايور م.ءماجيتوۆ, زاپاستاعى پولكوۆنيكتەر: ا.دۋبوۆ, ا.گورياچكو, س.انيسيموۆتار پالاتالارعا كىرىپ, جارالى اسكەري قىزمەتشىلەردىڭ جاعدايىن ءبىلدى. قىزمەت اتقارۋ كەزىندە كورسەتكەن باتىلدىعى مەن مەملەكەت مۇددەسىن قورعاۋ بارىسىندا جاساعان ەرلىكتەرى ءۇشىن العىس ايتتى.
ساڭلاق ساردارلاردىڭ وزدەرى دە اۋعان سوعىسىن باستارىنان وتكەرىپ, تاجىك-اۋعان شەكاراسىندا قىزمەت اتقارعان. سوندىقتان, لاڭكەستەرگە قارسى تۇرىپ, ناعىز وت پەن وقتىڭ ورتاسىنان شىققان اسكەري قىزمەتشىلەردىڭ جاعدايىن سۇراپ, ولاردىڭ رۋحىن كوتەرۋدى وزدەرىنىڭ ازاماتتىڭ ءھام ار الدىنداعى بورىشتارى ساناعاندارى حاق.
«زاستاۆا تارلاندارى» رەسپۋبليكالىق قوعامدىق ۇيىمىنىڭ الماتى قالالىق فيليالىنىڭ توراعاسى وتستاۆكىدەگى گەنەرال-مايور م.ءماجيتوۆتىڭ ايتۋىنشا, «زاستاۆا تارلاندارى» رەسپۋبليكالىق قوعامدىق بىرلەستىگى ۇقك شەكارا قىزمەتىنىڭ قازا تاپقان بەس اسكەري قىزمەتشىنىڭ وتباسىنا ماتەريالدىق كومەك رەتىندە 100 مىڭ تەڭگەدەن قارجى ءبولدى.
ارداگەرلەر اسكەري گوسپيتالعا دا قۇر قول كەلگەن جوق. جارالىلارعا شىرىن, جەمىس, تاتتىلەر سالىنعان پاكەتتەردى تابىس ەتتى.
ەسكە سالا كەتسەك, وتستاۆكىدەگى گەنەرال-مايور ت.ۋاجانوۆ باسقاراتىن «زاستاۆا تارلاندارى» رەسپۋبليكالىق قوعامدىق بىرلەستىگى «COVID-2019» ىندەتى كەزىندە دە ۇلتتىق قاۋىپسىزدىك كوميتەتىنىڭ وڭىردەگى اسكەري گوسپيتالدارىنا مۇمكىندىگىنشە شەفتىك كومەكتەرىن كورسەتكەن بولاتىن.
- قاجەت بولسا, ەرىكتى جاساق قۇرىپ, اسەم قالامىزدىڭ تىنىشتىعىن قورعاۋعا دايارمىز, - دەيدى شەكارا قىزمەتىنىڭ ارداگەرى مارات ءالىمجان ۇلى ءماجيتوۆ.
ءيا, «جاۋ جاعادان الىپ, ءبورى ەتەكتەن تارتقان» تار زامانعا تاپ بولعان ەلىمىز ءۇشىن بۇل دا بولسا قارلىعاشتىڭ قاناتىمەن سۋ سەپكەندەي كومەك.
ت.داۋلەتباەۆا.
شەكارا قىزمەتىنىڭ زاپاستاعى پودپولكوۆنيگى
