ءيا, الماتى قالاسى بويىنشا كومەنداتۋرا قالاداعى جاعدايعا قاتىستى مالىمەتتەردى جاڭارتتى. بۇل تۋرالى قالاداعى كومەنداتۋرانىڭ اقپارات ورتالىعى حابارلادى.
كومەنداتۋرا كەلتىرگەن دەرەكتەرگە زەر سالساق, 10 قاڭتارداعى مالىمەتتەن بولەك, كەلەسى ايماقتار قىلمىسكەرلەردەن تازارتىلعان ەكەن.
اۋەزوۆ, الاتاۋ جانە مەدەۋ اۋداندارىنىڭ اۋماعى, «وجەت» ىقشام اۋدانى مەن الماتى حالىقارالىق اۋەجايىنا شەكارالاس اۋماقتا لاڭكەستەردەن تازارتۋ جۇمىستارى قارقىندى جۇرگىزىلگەن.
لاڭكەستىك, توناۋ جانە باسقا دا قىلمىستارعا قاتىسى بار دەگەن كۇدىكپەن 1237 ادام ۇستالعان. ودان بولەك, 31 بىرلىك اتىس قارۋى مەن 1 428 وق-ءدارى تاركىلەنىپ, بلوك بەكەتتەردە 38 ادام ۇستالعان. «102» باسقارۋ پۋلتىنە بارلىعى 608 حابارلاما, كومەنداتۋرانىڭ call-ورتالىعىنا ازاماتتاردان جەدەل ارەكەت ەتۋدى تالاپ ەتەتىن 253 دابىل تۇسكەن.
