قر ۇقك ءباسپاسوز قىزمەتىنىڭ حابارلاۋىنشا, وسى باعىتتاعى جۇمىستاردىڭ ناتيجەسىندە ناتيجەسىندە 2022 جىلدىڭ 4-8 قاڭتار ارالىعىندا الماتى قالاسىنداعى جاپپاي تارتىپسىزدىككە قاتىسقان 2 ەكسترەميستىك توپ قۇرىقتالدى.
9-قاڭتاردا, ەكسترەميستىك ارەكەتكە الداپ-ارباۋ, ەكسترەميستىك ۇيىمعا باسشىلىق ەتۋ جانە وعان قاتىسۋ, سونداي-اق جاپپاي قۇقىققا قايشى اكتسيالاردى جۇرگىزۋ كۇدىگىمەن ءبىر ۇياشىقتىڭ 4 مۇشەسى ۇستالدى.
تۇرعىلىقتى مەكەندەرىن تەكسەرۋ بارىسىندا اتىس قارۋى, گراناتالار, وق-دارىلەر جانە ءدىني ادەبيەتتەر زاتتاي ايعاق رەتىندە تاركىلەندى.
ۇيىم جەتەكشىسى حالىقارالىق تەرروريستىك ۇيىممەن بايلانىسى بار, جاپپاي تارتىپسىزدىككە بەلسەندى تۇردە اتسالىسقان شەتەل ازاماتى بولىپ تابىلادى.
تەرگەۋ تۇجىرىمى بويىنشا, ول قازاقستانعا جاپپاي قۇقىققا قايشى اكتسيالاردى دايىنداپ, سونداي-اق بيلىك ورگاندارى مەن قارۋلى قۇرىلىمدارعا شابۋىل جاساۋ ءۇشىن كەلگەندىگى انىقتالدى.
«وعان وسى ماقساتتا كومەك بەرۋشىلەردى ىزدەستىرۋ ۇيىمداستىرىلدى. تەرگەۋ قىزىعۋشىلىعىنا سايكەس كەيبىر اقپاراتتاردى جاريالاۋ ازىرگە مۇمكىن ەمەس», دەلىنگەن قر ۇقك ءباسپاسوز-قىزمەتى تاراتقان اقپاراتتا. جەدەل جانە تەرگەۋ شارالارى جالعاسۋدا.
سونىمەن قاتار, كەيبىر باق-تا جانە الەۋمەتتىك جەلىلەردە قر ۇقك الماتى قالاسى بويىنشا دەپارتامەنتى قارۋ-جاراقتار, وق-دارىلەر, باسقا دا م ۇلىكتەر ۇرلانعانى جايىندا تارالعان اقپاراتتار جالعان بولىپ تابىلادى.
تەرروريستىك قاۋىپتىڭ «قىزىل» دەڭگەيىنىڭ تالاپتارىنا سايكەس, دەپارتامەنت كۇشەيتىلگەن تارتىپتە قىزمەت اتقارۋدا.
