كورمەگە دايىندىق جايى ءسوز بولدى

كەشە پرەمەر-مينيستر سەرىك احمەتوۆ حالىقارالىق كورمەلەر بيۋروسىنىڭ (حكب) باس حاتشىسى ۆيسەنتە لوسسەرتالەسپەن كەزدەستى, دەپ حابارلادى قر پرەمەر-ءمينيسترىنىڭ ءباسپاسوز قىزمەتى. تاراپتار قازاقستان مەن حكب-نىڭ استانادا ەكسپو-2017 كور­مەسىن وتكىزۋگە دايىندىق شەڭ­بەرىندە ءوزارا ءىس-قيمىلى ماسە­لەلەرىن تالقىلادى. پرەمەر-مينيستر كور­مە­نىڭ العاشقى نىساندارى قۇرى­لى­س­ىنىڭ باستالۋ مەرزىمى تۋرالى حابارلادى. «ءبىز مەملەكەت باسشىسىنا كورمەنىڭ ساۋلەتتىك جوباسى تۇ­جىرىمداماسىن ۇسىندىق. مامىردا ەكسپو-نىڭ العاشقى نىساندارىنىڭ قۇرىلىسى باس­تالادى», – دەدى س.احمەتوۆ. پرەمەر-مينيستر كورمەنى ءوت­كى­زۋدى ۇيىمداستىرۋ ءۇشىن بار­لىق شارتتاردىڭ, ونىڭ ىشىندە قۇ­قىقتىق جاعدايلاردىڭ جاسال­عانىن اتاپ كورسەتتى. «وتكەن جىلدىڭ اياعىندا كور­مەنىڭ ينفراقۇرىلىمدارى مەن نىساندارىن ۋاقىتىندا سا­لۋ ءۇشىن قاجەتتى قۇقىقتىق با­زا جاسايتىن, سونداي-اق, ەكسپو-2017-ءنى وتكىزۋگە قاتىس­تى پروتسەدۋرالىق جانە ۇيىم­داستىرۋشىلىق ماسەلەلەردى شەشەتىن زاڭ قابىلداندى. ءبىر سوزبەن ايتقاندا, شەشىلمەيتىن ماسەلە جوق», – دەپ اتاپ ءوتتى پرە­مەر-مينيستر. ءوز كەزەگىندە, حكب باسشىسى قازاقستاننىڭ وسى جىلعى ماۋسىمدا كورمەنىڭ رەسمي تۋىن الۋ ءۇشىن بارلىق مۇمكىندىكتەرىنىڭ بارلىعىنا سەنىم ءبىلدىردى. «قازاقستاننىڭ قولىنا رەسمي تۋ ماۋسىم ايىندا تۇسەدى, سودان كەيىن ەكسپو-2017-گە قاتى­سۋشى-ەلدەردى شاقىرۋ بويىنشا باعدارلامالار ءجۇ­زەگە اسىرىلا باستايتىنىنا سە­نىمدىمىن», – دەپ ءسوزىن تۇيىندەدى ۆ.لوسسەرتالەس. حكب باس حاتشىسى قازاق­ستان­عا جۇمىس ساپارىمەن كەلدى. ساپار بارىسىندا ول ەكسپو-2017-گە دايىندىق جايىمەن تانىساتىن بولادى.