وتكەن ءتۇنى جەرگىلىكتى اتقارۋشى ورگاندار مەن پروكۋراتۋرانىڭ ەسكەرتۋلەرىنە قاراماستان, ازاماتتار ارانداتۋشىلىق شاقىرۋلارعا ەرىپ, تۇراقتىلىققا جانە حالىقتىڭ قاۋىپسىزدىگىنە قاۋىپ توندىرەتىن زاڭسىز ارەكەتتەر جاساي باستادى.
ازاماتتاردىڭ جەكەلەگەن توپتارى جولداردى جاۋىپ, قوعامدىق ءتارتىپتى, ازاماتتاردىڭ تىنىشتىعىن جانە ەلدى مەكەندەردىڭ تىرشىلىگىن قامتاماسىز ەتۋ جۇيەسىن بۇزىپ, كولىك قوزعالىسىنا توسقاۋىل بولدى.
زاڭسىز شەرۋلەر بارىسىندا قۇقىق قورعاۋ جانە قۇقىقتىق ءتارتىپ پەن قاۋىپسىزدىكتى قامتاماسىز ەتەتىن باسقا دا ورگانداردىڭ قىزمەتكەرلەرىنە شابۋىل جاسالدى. اتاپ ايتقاندا, الماتى, شىمكەنت جانە تاراز قالالارىنىڭ اكىمدىكتەرىنە شابۋىل جاسالىپ, اينەكتەر مەن ەسىكتەرى سىندى, باسقا دا ماتەريالدىق زالال كەلتىرىلدى. تاستار, تاياقتار, گاز, بۇرىش باللوندارى جانە جانعىش قوسپاسى بار بوتەلكەلەر پايدالاندى. قوعامدىق قاۋىپسىزدىكتى قامتاماسىز ەتۋ ماقساتىندا پوليتسيا قوعامدىق ءتارتىپتى بۇزۋدىڭ جولىن كەسۋ جانە ءتارتىپ بۇزۋشىلاردى ۇستاۋ بويىنشا زاڭدا كوزدەلگەن شارالاردى قابىلدادى.
زاڭسىز ارەكەتتەردىڭ سالدارىنان ىشكى ىستەر ورگاندارىنىڭ 95 قىزمەتكەرى دەنە جاراقاتتارىن العان. 37 قىزمەتتىك اۆتوكولىك ب ۇلىنگەن.
وسىعان بايلانىستى, بيلىك وكىلدەرىنە قارسى كۇش قولدانۋ, بۇزاقىلىق, مەملەكەتتىك ورگانداردىڭ عيماراتتارىنا شابۋىل جاساۋدىڭ 13 فاكتىسى بويىنشا سوتقا دەيىنگى تەرگەۋ باستالدى. قوعامدىق ءتارتىپتى بۇزعان 200-دەن استام ادام ۇستالدى.
