مادەنيەتتىلىك – مىندەتىمىز

مادەنيەت! وسى ءسوزدى كۇندەلىكتى ومىرىمىزگە بايلانىستىرىپ قولدانساق, مادەنيەتتى, مادەنيەتتىلىك, مادەنيەتىمىز دەگەن كەڭ ۇعىمدارعا ەنىپ كەتەمىز. ەلباسى سوڭعى جولداۋىندا ەلىمىزدە وسى مادەنيەتتى دامىتۋعا دا جاڭاشا سەرپىن بەردى. سول ءۇشىن دە ۇكىمەتكە مادەني ساياساتتىڭ ۇزاق مەرزىمدى تۇجىرىمداماسىن ازىرلەۋدى تاپسىردى. وركەنيەتى وزىق 30 ەلدىڭ اراسىنان ورىن الۋ ءۇشىن مادەنيەتىمىز دە سوعان ساي بولۋ كەرەك ەكەندىگىنە ەلبا­سى بارشامىزدىڭ نازارىمىز­دى اۋداردى. سەبەبى, ادام بالاسىنىڭ اتام زاماننان بەرى تالپىنعانى سول مادەنيەتتىڭ شىن ماعىناسىنداعى دارەجەسىنە جەتۋ. مادەنيەتتى بولۋ, ونىڭ بەلگىلى ساتىسىنا تابان تىرەپ, ىلگەرى ورمەلەي بەرۋ زامانىمىزدىڭ جانە ءومىردىڭ الدىمىزعا قوياتىن نەگىزگى تالابى. ادامنىڭ مادەنيەتتى بولۋى قاي كەزدە دە ماڭىزىن جوعالتقان ەمەس جانە جوعالتپايدى دا. سوڭعى كەزدەردە كوپشىلىكتىڭ ويىنا ءجيى ورالىپ جۇرگەن, ارا­مىزداعى ءوسىپ كەلە جاتقان كەي­بىر جاستاردىڭ بويىنداعى ءبىر­شاما كەلەڭسىز كورىنىستەر – قۇقىق­بۇزۋشىلىق, ءارتۇرلى قاتىگەزدىلىك, ادەپسىزدىك. ادەپسىزدىك دەگەندە, اسىرەسە, قىز بالالاردىڭ بويىنداعى ءتوسىن اشىپ, كىندىگىن باقىرايتىپ, سانىن جارقىراتىپ, اشىقتان-اشىق قىمسىنباي, قوعامدىق جەرلەردە ەرەكشە كوزگە ءتۇسۋى. بۇل كورىنىستەر ءبىزدىڭ داستۇرىمىزدە ادەپسىزدىك ەكەندىگى اتاپ كورسەتىلىپ, قوعامدا, بۇ­قارالىق اقپارات قۇرالدارىن­دا سىن-ەسكەرتپە ايتىلىپ, تال­قىلانىپ جاتىر. كەلەشەكتە وسى ءىس-شارالار ءناتي­جەسىن دە بەرەر دەگەن ويدامىن. دەگەنمەن, بۇل جەردە جاستاردىڭ جاس ەرەكشەلىگىن ەسكەرىپ, ءبىرشاما كەشىرىمدىلىكپەن دە قارايتىنىمىز جاسىرىن ەمەس. سولاي دەپ بۇل كورىنىستى جاستاردىڭ اراسىندا اتقارىلاتىن ءىس-شارالاردىڭ ەنشىسىنە قالدىرايىق. ال ەندى وسىنداي ادەپسىزدىك كورى­نىستەرى ونەر سالاسىندا قىزمەت ەتىپ جۇرگەن قىز-كەلىنشەكتەردىڭ بويى­نان دا كەزدەسەتىندىگىنە نە جو­رىق. ناقتىلاي ايتسام, سوڭعى كەز­دەرى كيەلى ساحنانىڭ ءتورىن­دە, تە­لە­ديدار ەكراندارىندا جار­قى­را­­تىپ اشىق قالدىرىپ, كورەر­مەن­دەر­دىڭ كوز الدىنا توسىپ, قارى­نىن, بەل­دەرىن اشىپ قويىپ بي بي­­لەپ, ءان شىر­قايتىن انشىلەردىڭ سانى كۇن­نەن-كۇنگە كوبەيىپ كەلەدى. ساحنا­دا تۇرىپ, وزدەرىنىڭ وسىنداي كو­رىنىس­تەرىن ىڭعايسىز دەپ سانا­ماي­­­تىندىعىنا جانىڭ اشيدى. بۇل قان­­داي ادەپتىلىككە, قانداي ءما­­دە­­نيەتتىلىككە جاتادى دەپ ويعا قالا­سىڭ. بۇنىڭ ءبىر سەبەبىن ەلىك­­تەۋشىلىكتەن ىزدەپ تابۋعا بولادى. ءبىز­دىڭ ءبىر كەمشىلىگىمىز, ەلىك­تەۋگە جاقىن تۇرامىز عوي. وسىلاي كورىنىسىمەن ءان سالىپ, بي بيلەپ, ونەر سالاسىندا جۇرگەندەر, ارنايى وقۋ ورىندارىندا ءدارىس الىپ ساحناعا شىققاندار ءبىزدىڭ قازاقتىڭ اتىن دۇنيە جۇزىندەگى ساحنالاردا پاش ەتىپ, ونەر كورسەتكەندەردىڭ, بۇل كۇندەرى ارامىزدا جوق, حالىق­­­­تىڭ قۇرمەتىنە بولەنگەن كۇلاش بايسەيىتوۆا, جامال وماروۆا, راحيا قويشىباەۆا, روزا باعلانوۆا سياقتى ونەر تۇلعالارىنىڭ, قازىرگى كەزدە كوزى ءتىرى, ارامىزدا بيىك ساح­نالاردا ءوز اندەرىمەن حالىققا قىز­مەت ەتىپ جۇرگەن, حالىقتىڭ قۇر­مەتىنە بولەنگەن بيبىگۇل تولە­گەنوۆا, روزا رىمباەۆا, ماق­پال ءجۇنىسوۆا, تامارا اسار, قارا­قات ءابىلدينا سياقتى ونەر ساڭلاق­تا­رىنىڭ ءومىر جولىنان ونەگە الما­عاندارى ما دەگەن وي كەلدى. قورىتىپ ايتقاندا, ونەر دەگەن قۇبىلىس – مادەنيەتتىڭ ءبىر سالاسى. ونەر ادامدارىنىڭ, اسىرەسە, قىز-كەلىنشەكتەردىڭ, الدىمەن, ادەپتى, مادەنيەتتى بولۋلارىن الدىنا ماقسات ەتىپ قويعاندارى ابزال شىعار! باتىرحان ومىرزاقوۆ, وتستاۆكاداعى ميليتسيا پولكوۆنيگى, ىشكى ىستەر مينيسترلىگىنىڭ قۇرمەتتى ارداگەرى. شىمكەنت.