بۇعان دەيىن كامەرۋننان كەلگەن ساياحاتشىدان بەلگىسىز شتامم تابىلعان ەدى. ول فرانتسيانىڭ وڭتۇستىگىندە كەم دەگەندە 12 ادامعا جۇقتىرىپ ۇلگەرگەن. ونىڭ تەستى «مۋتاتسيانىڭ ءاتيپتى كومبيناتسياسىن» كورسەتتى. كوروناۆيرۋستىڭ جاڭا تۇرىنە ۋاقىتشا B.1.640.2 اتاۋى بەرىلدى. ونى مارسەلدەگى جەرورتا تەڭىزى جۇقپالى اۋرۋلار ينستيتۋتىنىڭ عالىمدارى اشتى. جاڭا نۇسقادان 46 مۋتاتسيا انىقتالعان. بۇل شتامم بۇعان دەيىنگى نۇسقالارعا قاراعاندا قاتتى جۇقپالى بولۋى مۇمكىن. ازىرگە ول تۋرالى مالىمەت از.
قازىرگى ۋاقىتتا فرانتسيا اۋماعىندا كوروناۆيرۋستىڭ «وميكرون» شتامى ءورشىپ تۇر. اۋىرعانداردىڭ 60 پايىزى سونى جۇقتىرعان. پاندەميا باستالعان ۋاقىتتان بەرى ەلدە 10 ملن استام ادام كوروناۆيرۋس جۇقتىردى.
3 قاڭتاردان باستاپ فرانتسيادا جاڭا ەرەجە ەنگىزىلدى, وعان سايكەس 6 جاستان اسقان بالالار (بۇعان دەيىن 11 جاس) ماسكا تاعۋعا مىندەتتەلدى. بۇدان بولەك, پاريج بەن ليون سياقتى ءىرى قالالاردا كوشەدە قايتا ماسكا تاعىپ ءجۇرۋ كەرەك.
