اقپاراتتار اعىنى

● ۇكىمەتتىڭ رەزەرۆى بيىل 45 ملرد. تەڭگەگە كوبەيتىلەدى. ەكونو­ميكا جانە بيۋدجەتتىك جوسپارلاۋ مي­نيسترى ەربولات دوساەۆتىڭ ايتۋىن­شا, ول 2014 جىلعا ارنالعان رەس­پۋبليكالىق بيۋدجەتتىڭ تۇسىمدەرى 6 206,1 ملرد. تەڭگە كولەمىندە نەمەسە بەكىتىلگەن 5 773,7 ملرد. تەڭگەلىك بيۋدجەتپەن سالىستىرعاندا 431,7 ملرد. تەڭگەگە وسۋىمەن ايقىندالعان. ● ارقالىق قالاسىندا جول­دار­دى قايتا جاساۋعا 170 ملن. تەڭگە ءبو­لىنىپ وتىر. قالا اكىمى عازيز بەك­مۇ­حامەدوۆتىڭ بايانداۋىنشا, رەس­پۋب­ليكا مونوقالالار تىزىمىنە ەنگەن ەلدى مەكەندە قازىرگە دەيىن «اليۋ­مينستروي» جانە «تازارتۋ-ارقالىق» سەرىك­تەستىكتەرى 49,7 ملن. تەڭگەگە كو­شەلەردىڭ تاباندارىن اعىمداعى جوندەۋدەن وتكىزگەن. ● قىزىلوردا وبلىستىق پروكۋ­راتۋراسى 10 كاسىپورىن­نىڭ جالاقى بويىنشا قارىز­دارىن وتەۋىنە سەبەپكەر بولدى. قاڭتار جانە اقپان ايلارىندا پروكۋرورلىق ارەكەت ەتۋ شارالارى بارىسىندا وسى ەڭبەك مەكەمەلەرى 4311 قىزمەتكەرگە 482,2 ملن. تەڭگە كولەمىندەگى جالاقىلارىن قايتاردى. ولاردىڭ اراسىندا «قىزىلوردا اۆتو ترانس» جشس, «يمپرەزا س.پ.ا.» اق سەكىلدى ءىرى كومپانيالار بار. ● وڭتۇستىك ولكەدە بيىل دا ناۋ­رىز مەرەكەسى توعىز كۇنگە سوزىل­عالى وتىر. وبلىس اكىمى اسقار مىر­زاحمەتوۆتىڭ باستاماسىمەن قول­عا الىنعان توي شارالارى تاعى اتاۋ­لى كۇندەر نەگىزىندە ءوتىپ, جالپى­حالىقتىق مەرەكەنىڭ ءمان-مازمۇنىن اشۋعا قىزمەت ەتپەكشى. «ناۋرىز حالقىمىزدىڭ كونەدەن كەلە جاتقان ناۋرىزناما ءداستۇرىن زاماناۋي ۇلگىدە قايتا جاڭعىرتۋعا باعىتتالادى», – دەلىنگەن ءباسپاسوز بايانىندا. ● بەلگىلى كينورەجيسسەر ەر­مەك تۇر­سىنوۆتىڭ جاڭا ءفيلمى پرو­­كاتقا شىعادى. الداعى 20 ناۋ­­رىز كۇنى تۇساۋكەسەرى وتكىزى­لەتىن «كەمپىر» اتتى بۇل كومەديا قايىر­عالي جانە كۇلپاش ەسىمدى قوس قا­ريا­نىڭ ومىرلەرىنەن سىر شەرتەدى. رە­جيسسەردىڭ ايتۋىنشا, وندا تۇرپايى كورىنىستەر جوق, وقيعالار تۇگەلدەي قازاقى كۇلكىگە قۇرىلعان. ● اقمولا وبلىسىنىڭ تىلدەردى دامىتۋ باسقارماسىن جاڭا باسشىسى باسقارادى. بۇل تىزگىندى قول­عا العان 31 جاستاعى ارمان بەر­دالين ەسىمدى ساياساتتانۋشى مامان ەڭ­بەك جولىن بۇقارالىق اقپارات قۇرال­دارىندا باستاپ, تىلدەردى دامىتۋ سالاسىنا ويىسقان. ال 2010 جىل­عى قىركۇيەكتەن م.جۇماباەۆ اتىن­داعى اقمولا وبلىستىق امبەباپ كىتاپ­حاناسىندا ديرەكتور بولعان. BNews.kz, Nur,kz, Egemen.kz حابارلارى بويىنشا دايىندالدى.