ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا قر باسەكەلەستىكتى قورعاۋ جانە دامىتۋ اگەنتتىگىنىڭ وتىن-ەنەرگەتيكا ونەركاسىبى دەپارتامەنتى باسقارماسىنىڭ باسشىسى قۋات اسامبەكوۆ سۇيىتىلعان گاز باعاسىنىڭ نارىعىندا قالىپتاسقان جاعداي بويىنشا بىرقاتار وڭىردە تەرگەۋ جۇمىستارى باستالعانىن ءسوز ەتتى.
«اگەنتتىك تاراپىنان ماڭىزدى ماسەلەگە قاتىستى تالداۋ جۇمىسى جۇرگىزىلدى. بۇگىندە ماڭعىستاۋ وبلىسىندا باعانى كەلىسۋ بويىنشا, كارتەلدىك كەلىسىم بويىنشا تەرگەۋ باستالدى. ودان بولەك قوستاناي, سولتۇستىك قازاقستان وبلىستارى بويىنشا تەرگەۋ جۇرگىزىلۋدە. ازىرگە قورىتىندى ءسوز ايتاتىن ۋاقىت كەلگەن جوق. ءبىرشاما ۋاقىتتان كەيىن ناقتى مالىمەتتەرمەن ءبولىسۋ مۇمكىن بولماق», دەدى اگەنتتىك وكىلى.
بۇعان دەيىن قر پرەمەر-ءمينيسترىنىڭ رەسمي سايتى ماڭعىستاۋ وبلىسىنداعى جانارماي ستانسالارىنىڭ يەلەرى سۇيىتىلعان مۇناي گازىنىڭ قۇنىن ليترىنە 120 تەڭگەدەن 85-90 تەڭگەگە دەيىن تومەندەتۋ تۋرالى شەشىم قابىلداعانىن جازعان بولاتىن.
