ددۇ باسشىسى الەم ەلدەرى ۆاكتسينالاردى تاراتۋ كەزىندەگى ادىلەتسىزدىك پەن تەڭسىزدىكتەردى جويسا, 2022 جىلى كوروناۆيرۋس پاندەمياسى اياقتالۋى مۇمكىن دەپ مالىمدەدى.
گەبرەيەسۋس ءوزىنىڭ جاڭا جىلدىق جولداۋىندا «وميكرون» نۇسقاسىنىڭ پايدا بولۋ سەبەبىن اسىرا ۇلتشىلدىق پەن كەيبىر ەلدەردەگى ۆاكتسينالاردىڭ ارتىق قورىمەن بايلانىستىردى.
ددۇ ءوز ازاماتتارىنا ءۇشىنشى ەكپە الۋدى ۇسىنعان الەمنىڭ باي ەلدەرىن بىرنەشە رەت سىنعا الدى. سەبەبى, كوپتەگەن ايماقتاردا حالىقتىڭ ايتارلىقتاي بولىگى ۆاكتسينانىڭ ءبىرىنشى دوزاسىن دا الماعان. ددۇ باسشىسىنىڭ پىكىرىنشە, ادىلدىك قاعيداتى نەعۇرلىم ۇزاق بۇزىلسا, ءبىز الدىن-الا بولجاي دا المايتىن ۆيرۋستىڭ ودان ءارى وزگەرۋ قاۋپى جوعارى بولماق.
