بۇل كىتاپتىڭ ەرەكشەلىگى – تۇڭعىش رەت جاڭا تەحنولوگيالارمەن ينتەراكتيۆتى فورماتتا جاسالۋى. ياعني بۇل جيناقتاعى شاھار تاريحىنىڭ ەجەلگى كەزەڭىنەن بۇگىنگە دەيىنگى ارالىقتاعى مالىمەتتەر وقىرمانعا IT-تەحنولوگيالارعا سۇيەنگەن مەدياكونتەنتپەن بەرىلگەن. دالىرەك ايتساق, كىتاپتاعى سۋرەتتەر كەنەتتەن ء«تىرىلىپ» سويلەي جونەلەدى, مۇراجاي ەكسپوناتتارى مەن ەسكەرتكىشتەر 3D-فورماتتا كوز الدىڭىزعا كەلە قالادى. ينتەراكتيۆتى فوتوسۋرەتتەر, ماتىندەردىڭ ورىس جانە اعىلشىن تىلدەرىنە اۋدارماسى QR-كود بويىنشا قارالادى.
– بۇل ورال قالاسىنىڭ تاريحى جايىندا شىققان العاشقى كىتاپ ەمەس. قالانىڭ تاريحى تۋرالى بۇعان دەيىندە كوپتەگەن ەڭبەك جازىلدى. بۇل جيناقتا ءبىز شاھارىمىزدىڭ ءار كەزەڭدەردە جارىق كورگەن تاريحىن جيناقتاپ, تالداپ, شىنايى سيپاتقا كەلتىردىك. سوڭعى كەزدە ارحەولوگتەر تاپقان جايىق قالاشىعى قازبا جۇمىستارىنىڭ ناتيجەسىندە 13 عاسىرعا دەيىنگى كەزەڭ قامتىلدى. وسى ۋاقىتقا دەيىن قالا بەس تاريحي كەزەڭنەن ءوتتى. تاۋەلسىز قازاقستان جاعدايىندا ورال شاھارىمىز ءارى قاراي دامي بەرمەك, – دەدى تاريح عىلىمدارىنىڭ دوكتورى, پروفەسسور, اكادەميك, رەداكتسيا القاسىنىڭ توراعاسى تۇياقباي رىسبەكوۆ.
باتىس قازاقستان وبلىسى
